Behargin bat hil da Etxebarrin ArcelorMittalek duen lantegian
54 urteko behargin bat hil da Etxebarrin (Bizkaia) ArcelorMittalek duen lantegian, ELAko iturriek jakitera eman dutenez. Ondoezik sentitu ondoren hil da.
“Lan-istripu ez traumatiko larria” izan dela salatu du ELAk agiri baten bidez. Sindikatu abertzaleak azaldu duenez, hildakoa ondoezik sentitu da, eta enpresako osasun zerbitzuak ospitalera bidali du.
ELAk elkartasuna eta babesa adierazi die hildako langilearen senide eta lagunei, baita lankideei ere.
“2019an gertatutako aurreneko lan-istripu larria da”, sindikatuaren hitzetan. “Aurreko urteetako estatistikak ikusita, azken urteetan lan-istripu ez traumatiko larriek nabarmen gora egin dutela azpimarratu beharra dago”, azaldu du ELAk.
ELAren arabera, gertatutakoaren “arrazoi nagusiak prekarietatea eta lan-baldintza okerrak dira”.
“Administrazioak eta prebentzio erakundeek istripu ez traumatikoen gorakadaren arrazoiak ikertu beharko lituzkete neurriak martxan jarri ahal izateko, nahiz eta neurriok patronalaren interesen aurkakoak izan”, erantsi du.
Sindikatuak esan du ez lukeela nahi aurten 67 pertsona etxera ez itzultzea lantokian hil direlako, iaz bezala.
“Egoera larriaren aurrean, langileria eta gizartea enpresetan zein kalean antolatu eta mobilizatzera deitzen ditu ELAk, lan-baldintza duinak lortzeko helburuarekin; istripuak bukatzeko eta bizirik etxera bueltatzeko eskubidea bermatzeko”, azpimarratu du.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.