Loza: 'Zaila izango da AHTa Euskadin 2023rako martxan egotea'
Jesus Loza Espainiako Gobernuak Euskadin duen ordezkariak gaur aitortu duenez, "zail" ikusten du 'Euskal Y' 2023rako martxan egotea. Orain arte data hori aipatzen zuen administrazio guztiek.
2019rako Estatuko Aurrekontu Orokorren proiektuak Euskal Autonomia Erkidegorako (EAE) aurreikusita dituen diru-partiden nondik norakoak azaltzeko prentsaurrekoa eskaini du Lozak, eta bertan egin du iragarpena.
Aurreko urteetan bezala, inbertsioaren kopururik handiena Euskal Y-ra bideratuko du Espainiako Gobernuak: 234 milioi euro, 2018an baino % 22,5 gutxiago.
Lozaren hitzetan, "ez da erraza izango" AHTa eraikitzeko ezarrita zeuden epeak betetzea. Gogorarazi duenez, atzerapena dago abiadura handiko trena Gaztelako goi-lautadarekin lotzeko lanetan —Burgosetik egin behar dute lotunea, eta 27,3 milioiko aurrekontua gorde dute lanotarako—.
Horrez gain, aipatu du erabakitzeke dagoela Mediterraneo pasabidea (Iruñetik igarotzen dena) Gasteizetik edo Ezkiotik (Gipuzkoa) egingo ote duten.
469,3 milioi euro EAErentzat
Espainiako Gobernuko ordezkariak azaldu duenez, Estatuko Aurrekontu Orokorren proiektuak 469,3 milioi euroko inbertsioa aurreikusten du EAEn, 2018an baino % 10,6 gutxiago, baina 57,44 milioi euroko kapital transferentzia bat ere aurreikusten du, eta 2018n transferentzia hori 3,2 milioikoa baino ez zen izan.
Lozak azaldu duenez, inbertsio txikiena Sustapenean emango da, Mariano Rajoyren Gobernuaren eta EAJren arteko negoziazio eta akordioei esker 2017tik aurrera "ikusgarri" handitu baitzen sail hori eta datozen urteotan "ezinezkoa izango baita hazkunde hori mantentzea".
Bestalde, inbertsioaren harira, partikula-azelerazioaren eta neutronikaren alorreko ikerketa indartzeko 18,6 milioi euro bideratuko dituzte; beste 80,6 milioi euro (% 17 gehiago), Bilbo eta Pasaiako portuetan inbertsioak egiteko; eta, 12 milioi euro, Gipuzkoako espetxe berriarentzat.
Tapia kezkatuta, AHTa 2023rako martxan egongo omen ez delako
Arantxa Tapia Ekonomiaren Garapena eta Azpiegituretako sailburua arduratuta agertu da Abiadura Handiko Trena ez omen delako 2023rako Euskadira helduko. Haren esanetan, Espainiako Gobernuak nahikoa diru bideratzen ez duela edo arduraz jokatzen ez duela esan nahiko luke horrek.
Gai horretaz galdetuta, Gobernu Kontseiluaren osteko prentsaurrekoan Tapiak onartu du 2023rako AHTa martxan egoteko bi baldintza bete beharko liratekeela: aurrekontu konpromisoa hartzea eta azpiegitura horrekin lotutako proiektuak aurrera ateratzeko orduan “arduraz” jokatzea.
Gauzak horrela, "trenbide zerbitzua 2023rako iritsiko dela zalantzan jartzeak beste kontu batzuk ere ezartzen ditu kolokan", adibidez, Gobernuak horretarako beharrezkoa den dirua emango duen ala ez.
Tapiak azaldu duenez, tunelen, zubien eta gainerako azpiegituren lanak bukatzear daude. Hori dela eta, normaltzat jo du aurrekontua murriztea. Halere, diru hori AHTarekin zerikusia duten beste proiektu batzuetara bideratu beharko lukete, Tapiaren iritzian.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.