CAFek mantentze lanak egingo ditu Bilboko Metroan, Renfen eta Saudi Arabian
Beasaingo CAF konpainiak Euskadiko, Espainiar Estatuko eta Saudi Arabiako hainbat trenen mantentze lanak egiteko kontratuak sinatu berri ditu, 240 milioi euroko balioagatik, euskal enpresak gaur jakinarazi duenez.
Alde batetik, Bilboko Metroko unitateak berrikusteko kontratua erdietsi du CAFek. Zehazki, 500 serieko 24 unitateen 218 bogie aztertu beharko ditu. Kontratuak bost urteko iraupena izango du, eta 550 eta 600 serieetako bogieen berrikusketa orokorra egiteko aurretik zituzten kontratuei jarraipena emango die.
Bestalde, Renfek CAFi esleitu dizkio Madrilgo aldirietako trenen (446 seriea eta CIVIA) eta distantzia ertaineko eskualdeko trenen (594, 596 eta 598 serieak) mantentzeko lanak. Kontratu horiek Renferekin batera eratutako ACTREN MF sozietate mistoaren bidez bideratuko dituzte, eta lau urteko iraupena izango dute. Gainera, kontratuak beste urtebetez luzatzeko aukera jasotzen du.
2007tik, ACTREN enpresaren tren askoren mantentze lanak egin ditu Gipuzkoako konpainiak. Horien artean, gaur egun oraindik ere garatzen ari diren abiadura handiko unitateetako mantentze lanak daude, eta, ondorioz, "esleipen berri hauek azken urteotan bi enpresa horien artean izan den harreman estuari jarraipena emango diotela esan dezakegu", azaldu dute CAFeko iturriek.
Amaitzeko, Saudi Arabian, Estatuko trenen bi enpresek (SRO, Saudi Railways Organization, eta SAR, Saudi Railway Company) ere CAF aukeratu dute beren trenen mantentze lanak egiteko. SROren kasuan, duela gutxi sinatu dute Riyadh-Dammam linean zirkulatzen duten Push-Pull 12 unitateak mantentzeko kontratua. SARen kasuan, Riyadh-Qurayyat linean zirkulatzen duten 6 Push-Pull unitateetan egingo dituzte mantentze lanak.
Kontratu bakoitzak hiru urteko iraupena izango du, eta unitate horiek zerbitzuan jarri zituztenetik gaur egun arte egiten ari ziren jarduerari emango diote jarraipena.
Trenak gehienez 200 km/h-ko abiaduran zirkulatzeko eta 55 gradurainoko muturreko baldintzetan zerbitzua eskaintzeko diseinatuta daude.
CAFek nabarmendu duenez, kontratuek agerian utzi dute trenen mantentze lanak egiteko negozioa bultzatzeko egindako apustua "irmoa" dela. Horrekin lotuta zehaztu duenaren arabera, gaur egun mantentze lanetarako 50 kontratu baino gehiago kudeatzen ditu 13 herrialdetan. 6.200 trenen mantentze lanak egiten ari dira, eta 2.300 langile baino gehiago arduratzen dira horretaz.
Zure interesekoa izan daiteke
Testa funtsak 500 familia kalean utzi nahi dituela salatzeko manifestazioa deitu dute Iruñean
Etxebizitza horiek parke publikoaren parte izatera pasatzeko eskatzen dute bizilagunek. Manifestazioa urriaren 17an izango da, 17:30ean, Baluartetik abiatuta.
497 milioi euro bideratuko dituzte Loiu, Foronda, Hondarribia eta Noaingo aireportuak berritzera
Aireportuen bolumena handitzea, eraginkortasuna zein segurtasuna indartzea eta zerbitzuaren kalitatea hobetzea dira helburuak.
Confebaskek ituna eskatu du Euskadiko lehiakortasuna hobetzeko
Confebaskeko presidente Tamara Yaguek Pradalesi eskatu dio herrialde-itun bat bultzatzea lehiakortasuna eraldatzeko eta erronka demografikoari eta talentu faltari aurre egiteko.
Sarriguren handitzeko planak 6.000 etxebizitza aurreikusten ditu, horietatik % 70 eta % 80 bitartean babestuak
Foru Gobernuak hirigintza planak desblokeatzeko eta arintzeko duen lan lerroari jarraikiz ari dira garatzen plana. Horrekin asmo dute "arrazoizko prezioa duten etxebizitzak eraikitzea, gizartearen beharrizanak eta eskariak kontuan izanda", nabarmendu du Chivitek.
Donostiako Udalak eguzki planta berri bat eraikiko du Martutenen, 11 udal eraikin hornitzeko
Arantzazuko Ama instalazioak urtean 90.000 kWh baino gehiago ekoitziko ditu, eta ekipamendu publikoen autokontsumoa zabalduko du, Iñigo Garcia Donostiako Ingurumen eta Hiri Mantentze eta Zerbitzuetako zinegotziak adierazi duenez.
Greban dauden Zarauzko eta Bergarako IATetako langileek salatu dutenez, "inguruko herriak kolapsatzear daude"
Duela 68 egun ELAk deitutako greban dauden IAT zentro horietako langileek. "Gatazkan esku hartzeko" eskatu diote Jaurlaritzari, "zerbitzu publikoa izanik, erantzukizuna berea ere badelako".
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da; %2,9an dago.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.