Itunpeko ikastetxeetako familiek finantziazio handiagoa eskatu diote Jaurlaritzari
Gizarte-ekimeneko itunpeko ikastetxeetako familien federakundeek finantziazioa handitzeko eskaria egin diote Eusko Jaurlaritzari, Legebiltzarrean goizean egindako agerraldian. Gainera, lanuzteen ondorioz, "ikasleak galtzen ari diren eskola orduak ezerk ez dituela justifikatzen" adierazi dute.
FECAPP, FAPAE eta Bidelagun elkarteek agerraldia egin dute Legebiltzarrean, lan gatazka horren aurrean duten jarreraz hitz egiteko. Ikastetxe horietako irakasleak grebara deituta daude berriro ere, eta aurreikusitakoaren arabera, lan baldintzen hobekuntza aldarrikatzeko, hamar eguneko lanuztea egingo dute.
Miriam Gonzalez FECAPPeko ordezkariak esan duenez, "ezerk ez ditu galdutako eskola orduak justifikatzen". "Itunpeko hezkuntza urratzen ari da", gaineratu du.
Bestalde, itunpeko ikastetxeetakoa "ohiko lan gatazketatik harago" doala azpimarratu du, "umeen heziketarekin jolasten ari direlako". Hori dela eta, greba horiek eragindako egoeraren jakitun dela erakus dezan eskatu dio Administrazio publikoari, eta ikasle horien familiak "presio gisa" erabiltzen dituztela nabarmendu du.
FAPAEko Victor Petuyak, berriz, gatazkaren konponbidea urrun ikusten dutela esan du, baita "ikastetxeak behar bezala finantzatu behar dituztela" ere.
Eusko Jaurlaritzari eskatu dio epe ertain-laburrean itunpeko sarearen finantzazioa hobetzeko, irakasleen "erosteko ahalmenaren beherakada handia" dela eta. Izan ere, irakasleen soldatak eskolek osatu behar izan omen dituzte.
Bestalde, Aitor Mujikak (Bidelagun) esan du grebak geratzen ez badira, ikasturte bat galduko dela, eta lan-gatazka honen alderdi "soziala" azpimarratu du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.