Kristau Eskola eta Jaurlaritza ez dira Lan Harremanen Kontseiluko bilerara joan
Itunpeko ikastetxeetako sindikatuek deituta, gaur arratsaldean bilera egin behar zuten Lan Harremanen Kontseiluan, baina Kristau Eskola eta Eusko Jaurlaritzako ordezkariak ez dira bertaratu eta, ondorioz, batzarra bertan geratu da.
ELA, Steilas, LAB, CCOO eta UGT sindikatuetako ordezkariak soilik joan dira Lan Harremanen Kontseiluak Bilbon duen egoitzara. Bileran parte-hartzeari uko eginda, patronala eta Hezkuntza Saila "arduragabekeria larriaz" jokatzen ari direla salatu dute.
Atzo, negoziazio mahaira bueltatzeko sindikatuek greba bertan behera utzi behar zutela ohartarazi zuen Kristau Eskolak. Halaber, bilera Lan Harremanen Kontseiluan egitea "gizartea nahasteko maniobra bat" baino ez zela kritikatu zuen.
Bestalde, Josu Erkoreka Eusko Jaurlaritzaren bozeramaileak eguerdian iragarri du batzar horretara Hezkuntza Saileko ordezkaririk joango ez zela, patronala bertan egongo ez bada, zentzurik ez duela iritzita.
Miren Zubizarreta ELAko ordezkariak berretsi egin du sindikatuek akordio batera heltzeko eta grebari amaiera emateko borondatea dutela, baina patronalak eta Hezkuntza Sailak helburu bera ez dutela salatu du. "Hitzez gauza bat esaten dute, eta gero beste bat egin", azpimarratu du.
Gaurko bilerara joan ez izana "oso larria" dela, Eusko Jaurlaritzak lan-gatazka honetan ardura duela, baina "Kristau Eskolaren jarrerari esker" auzi honetan esku hartzea saihesten ari dela salatu du.
Horrez gain, azkenaldian patronalak eta Hezkuntza Sailak egindako planteamenduetan "atzerapausoak" izan direla gogoratu du.
Gauzak horrela, sindikatuek grebaren bideari heltzea beste aukerarik izan ez dutela erantsi du.
Beste greba egun bat
Testuinguru honetan, beste greba egun bat burutu dute itunpeko ikastetxeetan astearte honetan. Sindikatuen arabera, jarraipena ia erabatekoa izan da; Kristau Eskolak zabaldutako datuen arabera, berriz, langileen % 51ak egin dute lanuztea.
Grebak 100.000 ikasle baino gehiagorengan izan du eragina. Ildo horretan, Zubizarretak ziurtatu du sindikatuek gurasoen kezka ulertzen dutela, baina erantsi du bere aldarrikapenek epe ertainean hezkuntzaren kalitatea hobetzea ekarriko dutela.
Lan-hitzarmen berria negoziatzea exijitzeko mobilizazioen baitan, asteazken eta ostegun honetan ere grebara joko dute langileek.
Zure interesekoa izan daiteke
Abiadura Handiko Trena Abandotik iritsiko da Bilbora, behin-behinean, epeak aurreratzeko
Abiadura Handiko Trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 metro karratu inguru askatu ahal izango dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.