Hiru emakumetik batek lanaldi partziala du, eta soilik gizonen % 7k
Hiru emakumetik batek lanaldi partziala du Euskal Autonomia Erkidegoan (EAE), portzentajeak % 7ra arte egiten du behera gizonezkoen kasuan. Egoerak lan arrakalan ondorioa du.
'Genero arrakalak Euskadiko lan merkatuan' ikerketa egiteko ardura eman zion Emakundek Sara de la Rica Euskal Herriko Unibertsitateko Ekonomia katedradunari. Azterketa astearte honetan aurkeztu dute, Gasteizen.
Ikerketak azaldu duenez, sexuaren araberako segregazioa -gizonak edo emakumeak gehiengoa diren lanbideen arteko desberdintasuna- arrakalan eragin gehien duen faktorea da, % 35era arte.
Ogibideen feminizazio edo maskulinizazio maila faktore erabakigarria da arrakalan, lanordu bakoitzeko soldataren bidez neurtzen denean; izan ere, lanbide batean emakumeen kopuruak gora egiten duenean nabarmen areagotzen delako, eta alderantziz.
Lanbide maskulinizatuenetan arrakala % 9koa da, feminizatuetan, aldiz, % 14koa.
Gizon eta emakumeen arteko arrakala sortzeko orduan gehien eragiten duen faktoreetako bat lanorduen kopurua da. Lanaldi partzialak gizonezkoen % 7ri bakarrik eragiten die, aldiz, emakumezkoen % 32ri.
Partzialtasuna "borondatezkoa" ez dela argi utzi du De la Ricak; izan ere, lau emakumetik bik lanaldi partziala dute, baina lanaldi osokoa aurkitzen ez dutelako; eta lautik batek senideren bat zaintzeko du. Gizonezkoen kasuan, azken hipotesiak % 4ri bakarrik eragiten die.
Lanordu bakoitzeko soldataren desoreka arrakalaren bigarren faktorea dela ondorioztatu du ikerketak. Desberdintasuna % 11koa dela zehaztu du azterketak, hau da, gizonek emakumeek baino portzentaje hori gehiago irabazten dute lanordu bakoitzeko, ia % 15era arte heldu daiteke emakumeek gizonek baino ikasketa maila handiagoa izango ez balute.
Guztira, soldataren arrakala batezbeste % 24koa da hilero.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.