Hogei hegaldi inguru, bertan behera geratzeko arriskuan Loiuko greba dela eta
Bilboko Aireportuko langile batzordeak uste du hogei hegaldi inguru bertan behera geratuko direla igande honetan Loiun, “lan-karga gorakada salatzeko” deitutako greba dela eta. CCOO, ELA, LAB eta USO sindikatuek osatzen dute greba batzordea.
Asteazkenean, Aenarekin izandako bilerak porrot egin ondoren, uda osoko mobilizazio egutegiari eustea erabaki zuten Loiuko aireportuko langileek. Gauzak horrela, igande honetako greba egun osokoa izango da, eta astelehenerako, aldiz, 18:00etatik 00:00etara bitartean deitu dituzte lanuzteak.
Sindikatuek uztailaren 7rako deituta zegoen greba bertan behera utzi zuten, negoziazioak bide onetik hasi zirela ikusita. Alabaina, bi aldeak ez ziren akordio batera heldu, eta langileek lanuzteei berrekitea erabaki zuten.
Gauzak horrela, langileen batzar batean aho batez erabaki dute igande honetarako deitutako grebarekin aurrera jarraitzea, eta egun horretan 15 eta 20 hegaldi bitartean bertan behera geratuko direla uste du batzordeak.
Aenako iturriek jakitera eman dutenez, iganderako 143 hegaldi aurreikusita daude Loiuko aireportuan, eta, astelehenerako, berriz, 155; horietatik 57, lanuzteak egingo dituzten orduetan.
Asteleheneko grebaz gain, Aenako langileek elkarretaratzea egingo dute eguerdian, aireportuko harreran. Egun hauetan egingo dute greba: uztailaren 14an, 15ean, 21ean, 24an, 25ean, 28an eta 31n; abuztuaren 1ean, 4an, 11n, 14an, 15ean, 18an, 25ean eta 31n; eta azkenik, irailaren 1ean.
Iker Gonzalez batzordeko presidenteak adierazi duenez, Aenak asteazkeneko bileran izan zuen jarrera azaldu zieten batzarrean, eta, bere ustez, “negoziatzeko inolako asmorik gabe” agertu zen Aena.
“Ez zuten proposamen berririk egin. Aurreko astean esandakoa errepikatu zuten, aurrera egiteko nahikoa ez zela bazekitenean”, azaldu du Gonzalezek. Dena dela, batzordea negoziatzeko prest dagoela berretsi du: “Deia jasotzen dugunean, bildu egingo gara”.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.