Amiantoagatik gaixo dagoen langile bati kalteak ordaindu beharko dizkio CAFek
Euskal Autonomia Erkidegoko Justizia Auzitegi Nagusiak asbestosia izeneko arnasketa-gaixotasuna duen langile baten helegitea aintzat hartu, Donostiako lan-arloko epaitegi batek maiatzean emandako epaia baliogabetu eta, aipatutako lan-gaixotasunak eragindako kalteengatik, langileari 168.500 bat euroko kalte-ordaina emateko zigortu du CAF.
Asviamie Amiantoaren Euskadiko Biktimen Elkarteak astelehen honetan ohar batean jakinarazi duenez, Euskal Autonomia Erkidegoko Justizia Auzitegi Nagusiaren epaiak "osorik" onartzen du Donostiako Lan Arloko 4. Epaitegiaren epaiaren aurka langileak jarritako helegitea.
Asviamieren iritziz, Justizia Auzitegi Nagusiaren ebazpenak "Ricardo Bandres epaileak behin eta berriz gauzatutako inkongruentzien beste porrot bat da; izan ere, haren nahia da lan-gaixotasunak ezkutatu eta enpresa arau-hausleak errugabetzea, batez ere biktimek CAFi eskatzen dizkiotenean erantzukizunak".
"Legearen kontrako epai inkongruenteen bidez, etengabeko prebarikazioa egin izatea" leporatu dio elkarteak Bandres epaileari; izan ere, azken horrek, Asviamieren iritziz, "biktimei iruzur egiten die, argi eta garbi CAF eta beste enpresa batzuk errugabetzen saiatzen ari dela". Hortaz, eskatu dio Botere Judizialaren Kontseilu Nagusiari epailearen aurka esku hartzeko.
EAEko Auzitegi Nagusiak orain arrazoia ematen dion langileari dagokionez, Asviamiek azaldu du 1957tik 1969ra arte CAFen lan egin zuela, treneko bagoiak muntatzen (sekzio hartan, amiantoa erabiltzen zuten, isolatzaile gisa), eta gerora, 1969tik 1995era arte, Indar Eraikuntza Elektromekanikoetan ibili zen.
2018tik, amiantoagatik arriskuan zeuden langileen zerrendan
2017ko maiatzean, asbestosia eta pleurako kaltzifikazioak diagnostikatu zizkioten; 2018ko urtarrilean, Osalanek amiantoagatik arriskuan zeuden langileen zerrendan sartu zuen. Handik hiru hilabetera, Gizarte Segurantzako Institutu Nazionalak lanerako ezintasun iraunkorra onartu zion, lan-gaixotasunagatik.
Epaitegian kalte-galeren kalte-ordainketa eskatuta, Donostiako Lan Arloko 4. Epaitegiak ez zuen onartu, eta CAF eta Indar absolbitu egin zituen. Argudiatu zuen ez zegoela frogatuta biriketako gaixotasunak lan-jardueran izatea jatorria; izan ere, "denbora luzea" zen igarota CAFen amiantoak eragindako arriskua pairatu zuenetik gaixotasuna agertu arte.
EAEko Auzitegi Nagusiak, aldiz, langilearen helegitea "osorik" hartu du aintzat, bai eta dagokion kalte-ordainaren kalkulua; epaiaren arabera, garai hartan "prebentziozko hausteak" zeuden, bai eta "babesik eza" ere: "Kausalitate-lotura dago gaitzaren, diagnostikoaren eta lanbidearen artean".
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.