Langile baten kaleratzea onartu du Konstituzionalak, hutsegiteak justifikatu arren
Lanera behin eta berriro ez joateagatik langile bat kaleratzea onartu du Auzitegi Konstituzionalak, hutsegite horien arrazoia justifikatuta egon arren. Hala ebatzi du Bartzelonako langile baten kasuan, asteartean emandako epai batean.
Bartzelonako lan arloko epaitegi batek eraman zuen auzia Konstituzionalera, izan ere, berrogei laneguneko bi hilabeteko epean, bederatzi egunetan bajan izan zen behargina. Hala, Langileen Estatutuko 52. artikuluko D atalak jasotzen duen gehienezko hutsegiteen % 20 gainditu zuenez, enpresak langilea kaleratu zuen. Gainera, konpainiak kaleratze-gutunean azaldu zuenez, behargin horren hutsegiteak lanaldiaren % 5era iritsi ziren aurreko urtean.
Zehazki, Langileen Estatutuak 52en artikuluan jasotzen denez, lan-kontratu bat eten daiteke behin eta berriro langilea lanera ez badoa; hain zuzen, bi hilabeteko epean, huts egiteek lanaldiaren % 20 gainditzen dutenean, edo lanaldiaren % 25 lau hilabetean, lanera ez joateko arrazoia justifikatua dagoen arren.
Alabaina, langileak salaketa bat aurkeztu zuen kaleratzea indarrik gabe uzteko, giza eskubideak urratu zirela iritzita. Halaber, Langileen Estatutuko artikulu hori "gaixo dagoen behargina hertsatzeko mehatxu argia" zela ziurtatu zuen, "kaleratua izateko beldurragatik behin behinean lanera ez joateko aukera ez emateagatik".
"Zaila da lotura zuzena aurkitzea osotasun fisikorako eskubidearen eta langile bat kaleratzen duen enpresaburu baten jardunaren artean, denbora tarte jakin batean iraupen laburreko gaixotasun bat izateagatik lanera behin eta berriro huts egin duen aldi kopuruaren kasuan", azaldu du Konstituzionalak.
Gainera, gogorarazi du ez dela ahaztu behar kaleratze horren arrazoia ez dela gaixo egote hutsa, baizik eta denbora-tarte jakin batean behin eta berriro egindako hutsegiteen kopurua, justifikatuta egon edo ez.
Auzitegi Konstituzionalaren esanetan, "enpresaburu batek Langileen Estatutuko 52. artikuluan oinarrituta har dezakeen erabakiak ez du benetako arrisku larririk sortzen langileen osasunean, dagokion kalte-ordaina ordaintzen bada".
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.