Jaurlaritzak babes ofizialeko 484 etxebizitza bultzatzea baimendu du, 348 alokairuan
Eusko Jaurlaritzak babes ofizialeko 484 etxebizitza bultzatzea baimendu du astearte honetan; horietatik 348 (% 72) alokairuan jarriko dituzte, eta gainerako 136ak (% 28), salgai.
Horrela, Gobernu Kontseiluak oniritzia eman dio Ingurumen, Lurralde Plangintza eta Etxebizitza Sailak eta VISESA (Euskadiko Etxebizitza eta Lurra EA) sozietate publikoak sinatutako 2019ko Programa Kontratuari.
Dokumentu horretan, VISESAren jarduera dago zehaztuta, eta jasota dago VISESAk alokairuko etxebizitzara bideratuko duela bere ekoizpena, hain zuzen 2018-2020 aldirako Etxebizitza Plan Zuzendariak eta aldi bererako VISESAren Plan Estrategikoak zehaztutakoaren bideari jarraituz. 2015eko Etxebizitzaren Legeak xedatzen duenez, VISESAren jarduera alokairuko etxebizitzak eskaintzera bideratuko da; hortaz, datorren urteko bigarren hiruhilekotik aurrera, VISESAk errentamendu-araubideko etxebizitzak baino ez ditu kalifikatuko.
VISESAk udalerri hauetan sustatuko ditu etxebizitzak: alokairuan (348), Barakaldon (94 etxebizitza sozial), Zumarragan (babes ofizialeko 72 etxebizitza alokairuan eta 36 etxebizitza sozial), Arrasaten (babes ofizialeko 70 etxebizitza alokairuan) eta Hondarribian (babes ofizialeko 42 etxebizitza alokairuan, eta 34 etxebizitza sozial); eta salgai (136), Bilbon (babes ofizialeko 58 etxebizitza, Zorrotzaurren), Hondarribian (babes ofizialeko 42 etxebizitza) eta Eibarren (babes ofizialeko 36 etxebizitza, Egazelain).
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.