Autonomoen, dendarien eta ostalarien zergak atzeratzea eskatu du Legebiltzarrak
Eusko Legebiltzarrak zergen atzerapen orokorra eskatu du, konfinamenduak irauten duen bitartean, alarma egoerarengatik jarduera eten behar izan duten autonomoentzat, ostalarientzat, dendarientzat eta turismo establezimenduentzat.
Eusko Legebiltzarraren Diputazio Iraunkorrak EH Bilduren ekimen bat eta Jaurlaritzako alderdien (EAJ eta PSE-EE) osoko zuzenketa bat eztabaidatu ditu gaiaren inguruan. Azken hori atera da aurera Elkarrekin Podemosen eta PPren abstentzioari esker.
EH Bilduren jatorrizko proposamenean (Elkarrekin Podemosek babesa eman dio) zergen ordainketa atzeratzeaz gain, "hein handi batean bertan behera" uztea eskatzen zen, Ondasun Higiezinen gaineko zerga barkatzea, eta gastu finkoetarako funts bat sortzea.
Azkenean onartu duten osoko zuzenketa horretan, zergen ordainketa atzeratzea eta Ondasun Higiezinen Gaineko Zerga malgutzeko neurriak proposatzen dira. Gainera, Eusko Jaurlaritzari eta gainerako erakunde eta kaltetutako sektoreei pandemiarengatik "galera handiak" izan dituzten establezimenduentzako laguntza funtsa adostea eskatzen zaie, eta jarduera bere onera itzultzen denean kontsumoa bizkortzeko egitasmoren bat egitea.
Diputazio Iraunkor telematikoan izan duten eztabaidan, Maddalen Iriarte EH Bilduren bozeramaileak "hitz onak" baztertzeko eta "dirua" emateko eskatu dio Jaurlaritzari, enpresa txiki eta ertainei eta autonomoei laguntzeko, neurriak ez badira orain hartzen "faktura handiagoa izango delako ekonomikoki eta sozialki".
"Ez baldin bagara martxan jartzen, gure historiako merkataritza hondamendi handienaren aurrean egon gintezke", ohartarazi du Iriartek, autonomoentzako 3 milioi euroko laguntza "oso pobrea" dela salatu aurretik. Izan ere, gogorarazi duenez, 3.000 euro jaso daitezke gehienez, eta horrek 1.000 autonomorengana iristea suposatuko luke, hau da, kolektiboaren % 0,6rengana; eta laguntza autonomo guztiei emanez gero, bakoitzari 16 euroko laguntza apurra geratuko litzaioke.
Eusko Jaurlaritzako taldeetatik, Alaitza Zabalak (EAJ) onartu du Lanbidek autonomoei emango dizkien laguntzak "eskas" geratu direla, eta handitu egin beharko direla.
Yahcov Ruiz Elkarrekin Podemosen ordezkariak, berriz, ohartarazi du merkataritzan, ostalaritzan eta turismoan enpresa handiak ere badaudela, eta laguntzak enpresa txiki eta ertainetan eta autonomoetan zentratu beharko liratekeela. Gainera, laguntza jasotzeko enpleguarekiko konpromisoa eskatzea exijitu du.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.