Espainiako Gobernuak bi hilabetez luzatu du telelana
Espainiako Gobernuak langabezia-prestazioaren estaldura langile gehiagori zabaldu die, hala nola, lan berri baten probaldian kaleratutakoei edo koronabirusaren krisiaren ondorioz lanpostu berri batean sartu ezin izan direnei.
Nadia Calviño Ekonomia presidenteordeak azaldu duenez, Ministroen Kontseiluaren prentsaurrekoaren ostean, aldi baterako lan-erregulazioen aplikazio eremua ere handitu egin da, funtsezkotzat jotzen diren eta diru-sarrerak murriztu zaizkien sektoreetan ezinbesteko arrazoiak daudelako.
Espainiako Gobernuak zehaztu duenez, funtsezko jarduera baten ezinbesteko baldintzak partzialak izan daitezke eta, beraz, ez dira enpresa bateko langile guztiengana zabalduko.
Horrekin batera, bi hilabetez luzatuko da telelanaren lehentasunezko izaera, baita ordutegia egokitzeko eta lanaldia murrizteko eskubidea ere.
Krisi honetan langileak babesten jarraitzea da neurri horien guztien helburua, Calviñok nabarmendu duenez, eta telelanaren aldeko apustua egiten ari diren enpresentzat finantzaketa neurri zehatzak egongo direla aurreratu du.
Gobernuak zehaztu duenez, langabezia-prestazioaren estaldura zabaldu egingo zaie martxoaren 9tik aurrera lan berria probaldian amaitzen zaien langileei, edo pandemiaren ondorioz gauzatu ez den lan-eskaintza irmoa izateagatik lana uzten dutenei.
Era berean, aldizkako langile finkoen babesa indartzen da. Izan ere, langile horiek lan-erregulazioetan sartu ahal izango dira edo prestazioren bat jaso ahal izango dute, langabezia amaitu bazaie ere.
Langile horiek 90 eguneko prestazioa izango dute, langabezia kitatu duten edo kotizatu duten kontuan hartu gabe.
Laneko eta Gizarte Segurantzako Ikuskatzailetzaren jarduera-eremuan epeak etetea erabaki da, salbu eta organismoaren esku-hartzea beharrezkoa denean interes orokorraren babesa bermatzeko edo COVID-19arekin lotuta egoteagatik, eta kontrol eta zehapen mekanismoak indartzea, prestazioak jasotzean iruzurrezko portaerak saihesteko.
Berariazko zehapen bat ezarriko zaie lan-erregulazioa lortzeko iruzurrezko eskaerak aurkezten dituzten enpresei, eta langileek bidegabeki jasotako prestazioak itzultzera behartuko dira enpresak.
Era berean, 2020an jarduerarik gabeko aldietan nekazaritzako zenbait langileren kotizazioak murriztea adostu du Gobernuak.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.