Diputatuen Kongresuak industrien aldi baterako erregulazioak luzatzea onartu du
Diputatuen Kongresuko osoko bilkurak EAJren mozio bat onartu du, PSOEren eta Unidas Podemosen kontrako botoekin, automobilgintzako, aeronautikako edo makina-erremintako ezinbesteko aldi baterako lan-erregulazioak urteko amaierara arte luzatzeko. Beraz, Kongresuak Espainiako Gobernua premiatu du, hori egin dezan.
Kongresuko Euskal Taldeak asteazken honetan jakinarazi duenez, Ganberako talde guztiek babestu dute mozioa, Espainiako Gobernuan bazkideak diren bi alderdiek izan ezik. Mozioaren helburua da industria bultzatu eta hari malgutasuna ematea, enpresen biziraupena eta bideragarritasuna errazteko.
Onartutako ekimenaren bidez, Kongresuak Espainiako Gobernuari eskatu dio ezinbesteko aldi baterako lan-erregulazioak luzatzeko, horietan aurreikusitako arrazoiek jarraitzekotan, eta, edozein kasutan, 2020ko abenduaren 31ra arte, lehiakorrak eta bideragarriak diren, hazteko ahalmena duten eta berrikuntzaren bidez balioa sortzen duten sektoreetan. Aipatutakoak horien artean daude.
Halaber, mozioak eskatzen du luzapenean lehentasuna ematea enpresa txiki eta ertainei; hain zuzen ere, 250 langile baino gutxiagoko enpresei.
Horrez gain, eskatu ere eskatu egiten zaio Espainiako Gobernuari lan-erregulazio gehiago aurkez daitezela erraz dezala, eta estrategia bat eta autonomia-erkidegoekin partekatutako plan bat proposa dezala. Estrategia eta plan horietan, ekintzak zehaztu beharko lituzke, ekonomiarako gakoak diren industria-sektoreetarako; helburua litzateke jarduerari eta enpleguari eustea, epe motzera, eta etorkizuneko lehiakortasuna hobetzea.
Mozioaren bidez, beste zerbait eskatu diote Pedro Sanchezen Gobernuari; hain zuzen, automobilgintzarako mahai espezifikoa sortzeko. Mahai horretan hauek egon beharko lirateke: Espainiako Gobernua, bereziki kaltetutako autonomia-erkidegoak, eta sektorea, oro har, balio-kate osoa kontuan izanik.
Zure interesekoa izan daiteke
Tentsioa Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.