Ikuskizunen arloko langileak kalera aterako dira gaur berehalako neurriak eskatzeko
Ikuskizunen eta ekitaldien alorrean lanean ari diren profesionalak kalera aterako dira gaur COVID-19aren krisiak sektoreari emandako kolpearen aurrean neurriak eskatzeko.
Alerta Gorria izenpean, EAEko profesionalek bat egin dute Espainiako Estatuko lankideekin eta Red Alert nazioarteko mugimenduarekin. Mobilizazioak deitu dituzte Bilbon (20:00etan) eta Gasteizen (20:30ean) "arlo honek profesionaltasunez eta segurtasunez lan egiten duela erakusteko". Iruñean ere beste protesta ekintza bat antolatu dute.
Mobilizazio horien atariko, gorriz argiztatu dute @spyurbanart artistak Bilboko Olabeaga auzoko Soñar izeneko eraikina (bertan ditu bulegoak ekimenarekin bat egin duen Last Tour promotorak), eta modu horretan egongo da gaurko egun guztian.
Alerta Gorria plataformak ohar batean gogorarazi duenez, ikuskizunen eta ekitaldien sektorearen lanak "Espainiako Barne Produktu Gordinaren (BPG) % 3,8 eragiten du, eta 700.000 lanpostu sortzen ditu".
"Alor heterogeneoa eta zatitua da, eta horren ondorioz, egitura hauskorra eta ziurgabetasun juridiko kezkagarria du. Pandemia garai honetan muturreko egoera dugu", diote oharrean.
Horren aurrean, "berehalako erreskate neurriak" eskatu dituzte eta administrazio publikoei pandemiaren krisiak "bereziki kaltetutzat eta lehentasunezkotzat" jotzea galdegin diete. Horrekin lotuta, "agenda kulturalak berriro aktibatzea eta ekitaldiak antolatzea eskatu nahi diegu tokiko erakundeei, betiere osasun segurtasuna bermatuta".
Eskatutako neurrien artean honakoak ere badaude: edukiera % 100koa izan arte, jarduera eteteagatik autonomoentzako prestazio berezia luzatzea, pertsona fisikoen errentaren gaineko zergan murrizketak egitea, langabeei prestazio eskubidea ez kentzea, enpresek ezinbesteko enplegu erregulazio espedienteak indarrean jarri ahal izatea edukiera % 100koa ez den arte, eta Sozietateen gaineko Zerga txikitzea, besteak beste.
Zure interesekoa izan daiteke
Tentsioa Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko enpresa-batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera geratu direla. Hemendik aurrera, konkurtso-administrazio batek hartuko ditu enpresaren erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.