Renfeko langileek protesta dute Bilbon, tren zerbitzuan izandako arazoak salatzeko
Renfe Bizkaia konpainiako langileek elkarretaratzeak egingo dituzte ostiral honetan Bilboko Abando tren geltokian eta Plaza Biribilean, enpresa batzordeak deituta, Aldirietako zerbitzuan jazotzen ari diren "gorabeherak" salatzeko. Dirudienez, makinista eta langile falta dute enpresan, eta horregatik geratu dira bertan behera hainbat tren egunotan.
Ohar batean, enpresa batzordeak argitu du langile gabezia dela lan gatazkaren arazo nagusia, baina, horrez gain, salatu du erabiltzen duten materiala oso zaharra dela, instalazioetan matxurak gertatu direla eta horiek kudeatzeko behargin gutxi daudela.
"Enpresek ez digu irtenbiderik eman eta ezinezkoa da behar bezalako zerbitzua ematea. Horrek guztiak ireki dio atea bizi dugun gatazkari", esan dute langileek. Hori dela eta, 13:00etan ordu erdiko elkarretaratzea egingo dute Abandon, eta 13:30ean Plaza Biribilean bilduko dira.
Hainbat tren bertan behera
Gaurko egunean, Renfe Aldirietako zerbitzua ez da erabatekoa izango, sare sozialen bidez jakitera eman dutenez.
Bilbo eta Laudio lotzen dituen linean, 14:25ean eta 15:25ean ez da trenik egongo. Kontrako noranzkoan, berriz, bertan behera eratuko dira 14:59ko eta 15:59ko trenak.
Bilbo eta Urduña artean ere hiru tren kenduko dituzte: 13:35ekoa, 15:25ekoa eta 19:45eakoa. Urduñatik Bilbora, 14:31an, 18:21ean eta 20:51an ez da zerbitzurik egongo.
Muskiz helmuga duen zerbitzuan, 10:33ko, 17:33ko eta 19:03ko trenak utziko dituzte bertan behera; kontrako noranzkoan, 09:55ekoa eta 11:25ekoa.
Bukatzeko, Bilbotik Santurtzirako 12:18ko eta 12:52ko trenetan ez da zerbitzurik egongo.
Alkateak haserre daude
Laudio, Aiara, Amurrio eta Urduñako alkateek premiazko bilera eskatu dute Renfeko ordezkariekin, haien haserrea adierazteko.
Asmoa da "konponbide arin bat" eskatzea, "erabiltzaileen beharrizanei erantzun" ahal izateko.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.