Larunbat bateko langileria izango du Osakidetzak gaur Gipuzkoan deituta dagoen greban
Arabako erietxeek eta lehen arretako osasun zentroek larunbat bateko langileria izan beharko dute gaurko, azaroaren 5erako, Osakidetzan deituta dagoen greba egunean, Eusko Jaurlaritzako Lan eta Enplegu Sailak kaleratu duen gutxieneko zerbitzuen dekretuaren arabera.
COVID-19aren eraginez, ohi baino handiagoak dira ezarritako gutxieneko zerbitzuak eta koronabirusaren diagnosi, zaintza eta arakatze arloetan zerbitzuaren % 100ri eutsiko zaio.
Osakidetzan azpikontratatuta dauden zerbitzuen gutxieneko zerbitzuak ere jaso dituzte dekretuan, azpikontratutako langileak ere lanuztera deituta baitaude. Hala, garbiketa eta osasun garraioan jarduten duten behargin guztiak egon beharko dira bihar lanean, eta sukaldeetan larunbatetan jarduten dutenak.
Idoia Mendiak zuzentzen duen Sailak argudiatu duenez, koronabirusa dela eta, ohi baino "handiagoak" dira ezarritako gutxieneko zerbitzuak (normalean jaiegun bateko langileriarekin egin dira grebak).
ELA, SATSE, SME, LAB, CCOO, UGT, ESK, SAE, UTESE sindikatuek hiru greba deitu dituzte: Arabakoa izan zen lehena eta, gaur, azaroaren 5ean, Gipuzkoan egingo dute eta Bizkaian, hilaren 12an. Sindikatuek osasun publikoaren egoera "larria" dela salatzeko eta Osasun Sailari neurriak eskatzeko deitu zuten lanuztea.
Zerbitzu minimo berberak hiru grebetan
Agindu honetan jasotako zerbitzu minimoak izango dira azaroan beste bi herrialdeetan egingo dituzten lanuzteetan ere ezarriko direnak.
Hala, ospitaleetan larunbatetan lan egin ohi duen langile kopurua egongo da, larrialdietan senda-agiriak emateko aukerarekin. Dialisi eta tratamendu onkologiko guztiak bermatuko dira, atzeratu ezin diren guztiak ere bai, eta koronabirusaren diagnosia egiteko proba guztiak.
Lehen Mailako Arretan ere, larrialdiko arreta bermatze aldera (COVID-19a duten pertsonak eta atzemateko probak egitea), larunbatetako zerbitzu bera eskainiko dute. Bestalde, larrialdi zerbitzuetan eta arreta jarraituko puntuetan langile guztiak egongo dira, eta "call center" etan langileen erdiak.
COVID-19 kasuen zaintzaz arduratzen diren taldeetan ere behargin guztiek egingo dute lan, hau da, laginak hartzen dituztenek, eta kasuen eta kontaktuen jarraipena egiten dutenek, herritarren berehalako zerbitzua eskaintze aldera. Arrazoi beragatik, % 100eko zerbitzu minimoak ezarriko dituzte Prebentzio Medikuntzan eta lan arriskuen prebentzio zerbitzuetan ere.
Osasun garraioa, garbiketa eta elikagaiak
Osakidetzaren mendeko enpresa azpikontratatuei dagokienez, osasun garraioan % 100ekoa izango da zerbitzu minimoa larrialdi kasuetarako, eta baita hemodialisi edo onkologia tratamenduetarako, eguneko ospitaleetan, ospitale arteko larrialdi garraioan eta Basurtuko Ospitalearen barruan izaten diren larrialdietan.
Odolarekin zerikusia duen garraio guztian ere % 100eko zerbitzu minimoa ezarriko da, COVID-19aren diagnosi testekin bezalaxe. Telefono zerbitzuetako langile kopurua soilik murriztuko da, % 25era arte.
Garbiketan ere ez dute langile gutxiago egotea onartuko, "garbiketa zehatza bermatzeko", zentro guztien desinfekzioa barne, eta pertsona bat baino gehiagok erabiltzen dituzten lekuak edo bestelakoak garbitzeko.
Bestalde, elikagaiak prestatzeaz arduratzen diren enpresek larunbatetan izan ohi duten langile kopurua izan beharko dute. Aginduak azpimarratzen du elikagaien prestaketa ahal den modu sinpleenean egingo dela, baina zentro guztietan banatuko dela bermatuta.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.