Erregulazio txostenak maiatzaren 31ra arte luzatzea adostu du Espainiako Gobernuak
Espainiako Gobernuak, sindikatuek eta patronalak akordioa berritu dute lan erregulazio txostenak maiatzaren 31ra arte luzatzeko, eta aurrerantzean txostenak luzatzeko aukera egongo da baimen berriak eskatu gabe.
Yolanda Diaz Lan eta Gizarte Ekonomiako ministroak txalotu egin du eragile sozialek negoziazio denbora "agortu" ez izana, eta "enpresei eta langileei ziurtasuna emateko erantzukizunez" jokatu dutela adierazi du.
"Babes neurriak mantentzen eta luzatzen ditugu gogor kolpatu duten kolektibo batentzat", nabarmendu du, eta aldi baterako erregulazio txostenetara atxikitako enpresei sei hilabetez kaleratzeko debekua ezartzen jarraitzen dutela gaineratu du.
Antonio Garamendik zuzentzen duen patronalaren Batzorde Exekutiboak aho batez eman dio babesa Espainiako Gobernuaren dokumentuari, eta Cepymek gauza bera egin du arratsaldean.
Bestalde, CCOO eta UGT sindikatuek hasiera batean ez dute akordioa onartu, baina Exekutiboaren azken dokumentuari babesa eman diote, Escrivak eta Diazek azaldu dutenez.
"Onartu denak, funtsean, azken lau hilabeteetan indarrean egon den ereduari eusten dio", gaineratu du Escrivak.
Autonomoak
Bestalde, Espainiako Gizarteratze eta Gizarte Segurantza Ministerioak eta ATA, UPTA eta Uatae autonomoen elkarteek akordioa sinatu dute astearte honetan, jarduera uzteagatiko aparteko diru-laguntza maiatzaren 31ra arte luzatzeko, nahiz eta oraindik zenbait kontu ixteko dauden.
ATA, UPTA eta Uatae autonomoen elkarteek akordioa balioetsi dute, eta Espainiako Gobernuak bere aldarrikapenetako batzuk onartu ditu, hala nola jardueraren beherakada % 75etik % 50era jaistea prestazioa kobratzeko eta kuoten % 100etik salbuestea.
Gainera, UPTAk azpimarratu du 600 eurotik 1.200 eurora igo dela ezohiko laguntza kobratzeko muga.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.