Larrialdian dauden eskualdeak suspertzeko 180 milioi inbertituko ditu Jaurlaritzak
Eusko Jaurlaritzak 180 milioi euroko plana iragarri du larrialdian dauden edo beharrizan gehien dituzten eskualdeak suspertzeko.
Berpiztu programaren baitan, bilera egin dute gaur goizean Iñigo Urkullu lehendakariak, Idoia Mendia lehendakariordeak, Arantxa Tapia eta Pedro Azpiazu sailburuek eta hiru ahaldun nagusiek. Batzarrean pandemiak eragindako krisi ekonomikoari aurre egiteko plana aztertu dute eta langabezia-tasa % 10etik behera jaistea dela helburua berretsi dute.
Lehendakariak jakinarazi du plan horren bidez 22.833 lanpostu sortzea aurreikusten dutela. Egitasmoa irailean indarrean jarri zenetik eta abendura bitartean, enpresei emandako abalen bidez 2.283 milioi euro inbertitu dituztela azaldu du eta inbertsio horri esker 18.893 lanpostu sortu direla azpimarratu du.
Aurten, 2.735 milioi euro gehiago inbertitzeko asmoa dute, eta horietatik 345 milioi enplegu politikak sustatzeko erabiliko dituzte, arestian esandako 22.833 lanpostuak sortze aldera.
Halaber, 180 milioi euroko ezohiko inbertsio-plana jarriko dute martxan, beharrizan gehien dituzten eskualdeei eta zonaldeei laguntzeko.
Zehazki, Meatzaldean, Enkarterrin, Oarsoaldean eta Aiaraldean hainbat proiektu martxan jartzeko erabiliko dute aurrekontu hori.
Urkulluk azaldu duenez, eskualde horiek 24 milioina euro jasoko dituzte, eta beste 60 milioi lursailak deskontaminatzeko erabili dituzte.
"Konbentzituta gaude eskualde kaltetuenak eraldatzeko balioko duela, eskualde horiek susperraldi ekonomikorako prozesuan atzean geratzea saihestuz", gaineratu du.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.