Pandemiak kaltetutako enpresentzako 430 milioiko diru-laguntza plana iragarri dute
Covid-19 pandemiak kaltetutako enpresei laguntzeko egitasmo bat martxan jarriko dutela iragarri du Iñigo Urkullu lehendakariak. 430 milioi euroko plana izango da, gehienbat diru-laguntzak.
Exekutiboa egitasmoaren edukia prestatzen ari da, Urkullluk Nueva Sibol Zamudioko (Bizkaia) enpresa bisitatu ondoren azaldu duenez. Pandemiak eragindako krisitik ateratzeko Eusko Jaurlaritzaren neurrien barruan kokatzen da egitasmoa.
Nueva Sibol maskarak eta norbera babesteko beste ekipo batzuk ekoizten dituen enpresa txiki bat da. Ekoizpen lerroak aldatu eta txandak hirukoiztu zituen pandemia iritsi zenean, Osakidetzaren eta funtsezko beste langile batzuen eskaerak asetzeko.
Horregatik, Urkulluk enpresari eskerrak eman dizkio, Eusko Jaurlaritza harremanetan jarri zenean, “berehalako erantzuna” eman zuelako modu “diskretu, eskuzabal eta eraginkorrean”. Eguneko 24 orduetan maskarak ekoitzi ahal izateko txandak antolatu zituzten, baita asteburuetan ere, Iñaki Muñoyerro Nueva Siboleko zuzendariak gogorarazi duenez.
Iñigo Urkullu eta Arantxa Tapia Zamudioko (Bizkaia) Nueva Sibol enpresan. Argazkia: EFE
Ekoizpena biderkatzeko, lantegi txikiak Ikertek enpresari makineria berria eskatu behar izan zion. Era berean, maskarak manipulatu eta banatzeko Lantegi Batuen laguntza izan zuen; izan ere, covidaren aurkako borrokan lehen lerroan ari ziren pertsonei entregatzen zizkieten.
Bestalde, ekitaldian “Kudeaketa memoria. Pandemia urtebete Euskadin” dokumentua aurkeztu du Eusko Jaurlaritzak. 51 orrialde ditu agiriak. 2020ko martxoaren 13an Osasun Larrialdi Adierazpena onartu zenetik Exekutiboak hartutako neurriak laburbiltzen ditu dokumentuak.
Nahiz eta egoerak hobera egin, “ziurrak ez” diren iragarpenen aurrean, martxoko bigarren hamabostaldiko bilakaera eta apirileko lehen asteak erabakigarriak izango direla uste du Exekutiboak, “zalantza handiko” testuinguru batean.
Urkulluren hitzetan, aurtengo balantzea egitearen helburua “emandako erantzuna aztertzea eta ikasitako lezioak azpimarratzea” da, “koronabirusaren aurkako borrokak jarraitzen duelako”.
Zure interesekoa izan daiteke
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.
Eusko Jaurlaritzak istiluak gaitzetsi ditu eta elkarrizketa sozialaren alde egin du gutxieneko soldata propioa lortzeko
Maria Ubarretxena bozeramailea bat etorri da gutxieneko soldata propioa lortzeko aldarrikapenarekin, baina ez konfrontazio bidearekin.