Europa hegoaldeko ekonomia zirkularreko lehen zentroa Bilbon kokatuko da
Eusko Jaurlaritzak eta Bilboko Udalak hitzarmen bat sinatu dute Basque Circular Hub sortzeko, Europa hegoaldeko ekonomia zirkularreko zerbitzu aurreratuen lehen zentroa. Besteak beste, datozen hiru urteetan 1.200 profesional ekonomia zirkularrean prestatzea eta 1.500 euskal enpresak euren zerbitzuak erabiltzea du helburu.
Arantxa Tapia Ekonomiaren Garapen, Iraunkortasun eta Ingurumen sailburuak eta Juan Mari Aburto Bilboko alkateak Basque Circular Hub aurkeztu dute asteazken honetan. Ihobe sozietate publikoak kudeatuko du, Eusko Jaurlaritzaren, Bilboko Udalaren, EHUren, Deustuko Unibertsitatearen, Modragon Unibertsitatearen, Tknika LHko Ikerketa Aplikatuko Zentroaren eta Novia Salcedo Fundazioaren arteko lankidetza publiko-pribatuaren ondorioz.
Zentroak merkatu-prospektibako, prestakuntza aurreratuko, joeren azterketako eta ekonomia zirkularraren esparruan ezagutza aditua sortzeko zerbitzuak izango ditu, eta lau ardatzen inguruko gaiak jorratuko ditu: euskal enpresetan ekonomia zirkularreko proiektuak egitea; Euskadiko ekonomia zirkularreko behatoki gisa jardutea; ekonomia zirkularrean informazio aurreratua ematea, eta enpresei tresna teknikoak eskaintzea.
Tapiaren esanetan, proiektuaren helburua "Euskadi ekonomia zirkularrean eta iraunkortasunean nazioarteko erreferente bihurtzea da, ez gara Euskadin bakarrik lan egitearekin konformatzen".
Era berean, euskal enpresei aholkuak emateaz gain, "Euskadin ekonomia zirkularrean gaur zer gertatzen ari den eta hemendik 2024ra nola garatzen den jakitea garrantzitsua da", azpimarratu du, "neurtzen ez dena ez delako hobetzen eta hobetzen ez denak okerrera egitera jotzen duelako".
Basque Circular Huben egoitza Bilboko Udalaren Auzo Factory Irazabal-Matikoren ekintzailetza-zentroan dago, Ihobe sozietate publikoaren eta Udalaren arteko hitzarmena dela eta.
Alkateak adierazi duenez, "Bilbok nazioarteko talentuarentzat hiri erakargarria izatearen aldeko apustua egiten du, eta, horretarako, funtsezko da enpresa-sarearen eta sare berritzailearen lankidetza; Bilbo jasangarriagoa, osasungarriagoa eta gizatiarragoa lortzeko, etorkizuneko Bilbo eraikitzen lagunduko diguna".
Gazteen etorkizuna
Sailburuaren hitzetan, "profesional gazteen egoera ez da onena, eta, horregatik, Eusko Jaurlaritzak bestelako etorkizun bat eskaini nahi die, iraunkortasunarekin lotutako horrelako esperientziak gero eta gehiago hartzen baitira kontuan". Horren arabera, helburuetako bat da 2024an zentro honetan 800 gazte lanean egotea.
Zure interesekoa izan daiteke
Erakundeek kezka azaldu dute Tubos Reunidosen egoerarekin eta etorkizuneko proiektua galdegin
Besteak beste, Mikel Jauregi eta Mikel Torres sailburuak, Jaurlaritzaren izenean; Ramiro Gonzalez Arabako ahaldun nagusiak, Ainara Basurko Bizkaiko Sustapen Ekonomikorako foru diputatuak eta Amurrioko alkateak erantzun diote zuzendaritzaren proposamenari.
Sindikatuentzat "kolpe gogorra" izan da Tubos Reunidosen LEE-a eta grebaren jarraipen "erabatekoa" azpimarratu dute
Enpresa Batzordeko presidente Andres Garciaren iritziz, "itxiera itxura duen espedientea" proposatu diete. Astearte honetan langileen batzarra egingo dutela iragarri du, hurrengo egunei begira "hartu beharreko erabakiei" buruz hitz egiteko.
Mikel Jauregi sailburuak inbertsio publiko-pribatuaren alde egin du Tubos Reunidosen iraupena bermatzeko
Enpresak daukan zorrarekin kezkatuta agertu da Industria, Trantsizio Energetiko eta Jasangarritasuneko sailburua. Halaber, azpimarratu du enpresaren iraupena bermatu ahal izateko zorra berregituratu egin behar dela.
Sindikatu nagusiek bertan behera utzi dute biharko deitutako tren greba
Deialdiak enpresa publiko eta pribatuetako 34.000 langileri eragiten zien, eta bertan behera geratu da, elkarrizketan zer aurrerapauso emango den zain.
Tubos Reunidosek Amurrioko eta Trapagaraneko lantegietako 301 langile kaleratzea proposatu du
Enpresak bideragarritasun-plan bat aurkeztu dio enpresa-batzordeari, tartean Amurrioko altzairugintzaren jarduera etetea, langileen irteerak eta zorra berregituratzea barne, industria-proiektuaren jarraipena bermatzeko.
Makinisten grebaren jarraipena % 100ekoa izaten ari da, sindikatu profesionalaren arabera
Zenbait zerbitzu bertan behera utzi dira eta atzerapenak ere izan dira. Renfek dioenaren arabera, greba egiten ari diren langileen kopurua ez da % 12ra heldu.
Tubos Reunidosek 71,3 milioi euroko galerekin itxi du 2025eko ekitaldia, behin betiko emaitzen zain
Negozio-zifrak % 13 egin zuen gora, baina batez besteko salmenta-prezio txikiaren ondorioz, konpainiaren zorra 263,2 milioi eurora igo da. Amurrion (Araba) eta Trapagaranen (Bizkaia) lantegiak dituen enpresak ohar baten bidez adierazi duenez, AEBko jardueraren beherakadak eragindako kaltea zenbatzea falta zaie.
Makinistek greba abiatu dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan, Bilboko eta Donostiako aldirietako bost lineetan, trenbide sektoreko sindikatuek otsailaren 9an, 10ean eta 11n deitutako hiru greba egunetarako.
Amurrioko Tubos Reunidoseko langileek 24 orduko lanuztea hasi dute, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die. UGT beldur da kaleratzeak 130 baino gehiago izango ote diren.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.