Datorren astea erabakigarria izan daiteke bitarteko langileen auzian
Aldi baterako kontratazioaren abusua Administrazioaren arazo handienetako bat da. Bitarteko langileen tasa % 8tik gorakoa ez izatea eskatu du Europak, eta Espainiako Estatuan % 32koa da. Autonomia erkidegoen artean, Nafarroa da behin-behinekotasun tasa altuena duen erkidegoa (% 43) eta EAE da bigarrena (% 40).
Orain, eta Berreskuratze Planaren baitan Europari agindutako helburuak betetzeko asmoz, Enplegatu Publikoaren Oinarrizko Estatutuaren Testu Bateginaren (EPOTB) erreforma eta 2017-2020 tartean etenik gabe lan egin duten bitarteko langileen egonkortze prozesua amaitu nahi du Espainiako Gobernuak.
Beranduenez 15 egunetan sinatu behar du dekretua Ministroen Kontseiluak, eta sindikatuen eta autonomia erkidegoen oniritzia jaso behar du aurrez. Ostegunean aurkeztu zuten Administrazio Publikoaren Konferentzia Sektorialean proposamena (autonomia erkidegoetako kontseilari guztiak daude ordezkatuta bertan) eta hurrengo egunetan jaso behar dute erantzuna. Uztailaren 1eko Konferentzia Sektoriala funtsezkoa izango da auzia nondik nora bideratuko den argitzeko.
Miquel Iceta Lurralde Politikako eta Funtzio Publikoko ministroak prozesuaren gakoetako batzuk aurreratu zituen asteazkenean:
Behin-behinekotasuna debekatzea
Gobernuak behin-behinekotasuna debekatzea proposatu du, eta ezinezkoa izatea pertsona bat bitarteko gisa aritzea Administrazioan 3 urtez baino gehiagoz.
Proba gainditzen ez dutenek bitarteko langileen poltsetako kide izaten jarraitu ahal izango dute
Icetak argi utzi zuen Gobernuak ezin duela legez "funtzionario ez den bat funtzionario egin", baina azken egonkortze prozesua izan beharko litzatekeenaren bidez izatea lortu dezaketela gaineratu zuen. Gainera, proba hori gainditzen ez dutenek autonomia erkidegoek behar dituzten bitartekoen poltsetako kide izaten jarraitu ahal izango dutela zehaztu zuen.
Oposizio-lehiaketa bereziak
Dekretu horren arabera, egonkortze prozesua oposizio-lehiaketa berezi batzuen bidez egingo da, eta oposizio-lehiaketara ateratzen den lan prozesu zehatz horretan izandako esperientzia kontatuko da lehiaketa horietan. Autonomia erkidegoek eta toki erakundeek, gainera, aukera izango dute oposizio-lehiaketen ordez lehiaketa baino ez deitzeko.
Konpentsazioak eta zehapenak ez dira atzeraeraginezkoak izango
Behin-behinekotasun abusua jasan duten pertsonei kalteordaina emango zaie eta lege iruzurra egiten duten administrazioak zigortu egingo dira dekretuaren arabera. Hala ere, Icetak zehaztu zuenez, konpentsazioak zein zigorrak etorkizunean egingo dira, ez dira atzeraeraginezkoak izango, alegia.
Gai honekin gertatzen denak milaka langileri eragiten die Estatu osoan. 55.000 inguru dira EAEn eta 18.000 inguru Nafarroan. Kontuan izan behar da Funtzio Publikoak gobernuak nahiz entitate txikiagoak hartzen dituela, udalerriak tartean, eta hain zuzen ere, aste honetan Bilboko tokiko gobernuak "kezka" agertu du aurtengo urte amaieran udal Lan Eskaintza Publiko (LEP) batzuetako plazak finkatzeko prozesuak iraungiko direlako, Espainiako Gobernuak administrazio publikoetan behin-behinekotasun lege berria onartzeko zain.
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.