Bitarteko langile publikoak behin-behinekotasunaren kontrako Errege Dekretuaren aurka mobilizatu dira
Euskal administrazioko bitarteko langileak mobilizatu dira gaur Lakuan, alderdi politikoei eskatzeko enplegu publikoaren behin-behinekotasuna murrizteko neurriak ezarriko dituen Errege Lege Dekretuaren kontrako bozka eman dezaten Kongresuan. Izan ere, lege hori Europar Batasuneko gidalerroen eta epaien "kontrakoa" dela uste dute, eta deitoratu dute horrek langabezian utziko dituela aldi baterako behargin asko.
Interinok Taldea eta ELA sindikatuko langileek elkarretaratzea egin dute Eusko Jaurlaritzaren Gasteizko egoitzaren aurrean, eta auto-karabana egin dute kalerik kale euren egoera salatzeko.
Errege Dekretu horren arabera, aldi baterako kontratu publikoak gehienez hiru urtera mugatuko dira, eta bitarteko langileek betetzen dituzten 300.000 lanpostuak finko bihurtuko dira oposizio-lehiaketa bidez. Epe hori gainditzen ez dutenek 20 eguneko konpentsazio ekonomikoa izango dute lan egindako urte bakoitzeko, gehienez ere 12 hileko soldataraino.
Interinok Taldeakeko Amaia Zarrabeitiak azaldu duenez, kolektibo horren ustean, Errege Dekretu hori, dagoeneko indarrean dagoena eta asteazken honetan Kongresuan bozkatuko dena, behin-behinekotasunari buruzko Europako jarraibideen eta Europako Batasuneko auzitegien epaien aurkakoa da.
Dioenez, Europar Batasuneko hainbat erakundek azpimarratu dute hautaketa-prozesuak ez direla "zigor" egokiak administrazio publikoek egindako "gehiegikerietarako", hau da: kontratuen behin-behinekotasuna luzatzea, lanpostu horiek egonkortzeko oposiziorik ez deitzea eta plaza nahikorik ez sortzea.
"Errege dekretuak ez dio inolako zigorrik ezartzen administrazioari, langileak dira kaltetuenak, eta hautaketa-prozesuetan parte hartzera bultzatzen gaitu. Urte asko daramatzagun jende asko ari zaigu langabeziara bultzatzen, administrazioak ez duelako oposizioak deitzeko betebeharra bete ", salatu du.
Zarrabeitiak azaldu duenez, ez dute karrerako funtzionario izatea eskatzen, baizik eta lanpostua uzteko arrazoiak berberak izatea, hau da: langile finkoak izatea edo "disuasiozko kalte-ordaina" lortzea. Izan ere, dioenez, modu horretan, kaleratzeen kostu osoa "hain handia" izango litzateke non enpleguen egonkortasuna "zero kostuko irtenbidea" izango litzatekeela. "Horrek mesede egingo lieke herritarrei eta administrazioei", azpimarratu du.
Halaber, argi utzi du enplegu legearen proiektua atzera bota nahi dutela, errege dekretuaren ildo beretik doalako, eta euren eskaerak betetzen ez badira mobilizazioekin jarraituko dutela aurreratu du.
Zure interesekoa izan daiteke
Murgan zabaldutako lantegi berriarekin hirukoiztu egingo dute Etorki eta Lana enpresek zur zerratuaren ekoizpena, eta 100 lanpostu sortuko dituzte
Etorki eta Lana kooperatibek aurten erabaki dute bat egite, guztira 300 langile baino gehiago dituzte eta 150 milioi euroko fakturazioa dute. Lantegiak 12,8 milioi euroko laguntza izan du Eusko Jaurlaritzarentzat, inbertsioaren % 20.
Euskal ekonomiaren "termometroa" hazkunde apaleko eremura jaitsi da, esportazioengatik
Eusko Jaurlaritzak zabaldutako datuen arabera, EAEko ekonomiaren termometroa 99,7an kokatu zen apirilean (150etik). Datu hori 2025eko urritik izandako txarrena da.
Abiadura handiko trena Abandotik iritsiko da Bilbora, behin-behinean, epeak aurreratzeko
Abiadura handiko trenaren Jarraipen Batzordeak erabaki du mantenimendu-basea Basaurira eramatea, eta erabaki horri esker, 40.000 bat metro karratu erabiliko dituzte Abando inguruan.
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.