Langabezia-tasa % 10,3ra jaitsi da Euskadin bigarren hiruhilekoan
Euskadiko langabezia-tasa % 10,3ra jaitsi da urteko bigarren hiruhilekoan (lehen hiruhilekoan baino 0,8 puntu gutxiago), eta 7.100 langabe gutxiago zenbatu dituzte, 108.600era iritsi arte.
Eustat Euskal Estatistika Erakundeak bigarren hiruhilekoari buruzko Biztanleria Jardueraren Arabera sailkatzeko Inkestaren (BJA) datuak eman ditu ostiral honetan. Inkestaren arabera, langabeziak behera egin du eta okupazioak gora egin du, aurreko hiru hilabeteekin alderatuta.
Euskal Autonomia Erkidegoan (EAE), 108.600 langabe zenbatu dituzte, hau da, aurreko hiruhilekoan baino 7.100 gutxiago (% 6,1 gutxiago).
Gizonezko langabeen kopuruak (55.600) behera egin du, aurreko datuekin alderatuta 3.700 (% 6,2) gutxiago zenbatu baitira. Emakumezko langabeen kopuruak ere behera egin du, 53.000raino, 3.400 (% 6) langabe gutxiagorekin. Gizonezkoen langabezia-tasa % 10,1ekoa da (-0,8 puntu) eta emakumezkoena % 10,5ekoa (0,8 puntu).
Lurraldeka, Bizkaian 0,7 puntu jaitsi da langabezia-tasa, % 11,4ra iritsi arte. Araban 0,7 puntu jaitsi da, % 11,1era arte, eta Gipuzkoan puntu bat egin du behera, % 8,2ra iritsi arte.
Euskadiko egoera Europar Batasunekoa baino okerragoa da, maiatzean % 7,3koa izan baitzen, baina Espainian baino hobea (% 15,3koa zen).
Eusko Jaurlaritzaren arabera, Euskadik % 10,1eko langabezia-tasarekin amaituko du urtea, eta 2022an % 9,5era jaitsiko du. 2020an, langabeziaren batez bestekoa % 10,5ekoa izan zen.
Okupazioari dagokionez, bigarren hiruhilekoan 944.300 pertsona zeuden lanean, hau da, 15.100 gehiago aurreko hiruhilekoarekin alderatuta (+% 1,6).
Lurraldeka, Gipuzkoan hazi da gehien okupazioa (6.900 pertsona), gero Bizkaian (6.100 gehiago) eta azkenik Araban (2.100 gehiago).
Emakumeen artean (8.200) gizonen artean (6.900) baino gehiago hazi da, eta espainiar langileen artean (13.800) atzerritarren artean baino gehiago (1300).
Okupazioak sektore guztietan izan du gorakada, batez ere zerbitzuetan (9.300 pertsona), industrian (4.400), lehen sektorean (1.300) eta eraikuntzan (300).
Zure interesekoa izan daiteke
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.