Tubos Reunidosek irteera adostuak proposatu dizkie 1958 eta 1961 artean jaiotakoei
Tubos Reunidosek iragarri duenez, "eragin sozialik gabeko" irteerak eskainiko dizkie 1958 eta 1961 artean jaiotako langileei. Horren arabera, berrantolaketa prozesuan ez da enplegua erregulatzeko espedienterik izango.
Proposatutako irteerek ez dute "ondorio sozialik" izango, aurre-erretiroen eta sustatutako bajen bidez izan ohi direnak, baina konpainiak ez du jakitera eman zenbat langileri egingo dien eskaintza hori.
Enpresak joan den astean eman zuen jakitera bere plan estrategikoa. Horren arabera, datozen bost urteetan 60 milioi euro inbertitzea aurreikusten du eta diru horrekin altzairutegi berri bat eraikiko du Amurrion (Araba), jarduera guztia bertan zentralizatzeko asmoz.
Altzairutegi berri hori eraikitzeak Sestaoko altzairutegia eta Iruñeko fabrika ixtea ekarriko luke, eta, horregatik, ELA eta LAB sindikatuek ez dute plana onartu.
Altzairutegi berria Amurrion jarriko dute, eta, ondorioz, Sestaoko altzairutegiko ekipoa Amurriora eramango dute. Taldearen altzairutegi berri honek altzairua emango du Trapagaranen eta Amurrion hodiak egiteko.
Trapagaranen, diametro handiko soldadurarik gabeko altzairuzko hodiak fabrikatzeko jarduera bultzatuko da; Amurrion, berriz, 7 hazbete arteko diametroa duten hodiak egingo dira.
Zuzendaritzak astelehen honetan zehatu duenez, gehienez ere 108 langile lekualdatuko lirateke (1.200 langile ditu guztira): Nafarroako lantegiko 38 langile eta Bizkaian lan egiten duten 415 langileetatik 70.
Trapagarandik Amurriora lekualdatzen diren pertsonek lehentasuna izango dute Trapagarango hodien plantan zuzendaritzak beharrezkotzat jotzen duen edozein lanpostu huts betetzeko orduan.
Halaber, Taldearen jarduera industrialen berrantolaketaren arabera, Espainiako hiru sozietate industrialek bat egingo dute: Tubos Reunidos Industrial, Productos Tubulares (Bizkaia) eta Acecsa (Iruñea).
Sozietatea berrantolatzeko prozesu hori datozen asteetan egingo da, Administrazio Kontseiluak onartu ondoren, eta hiruhileko honetan deituko den ezohiko batzar orokor batek berretsiko du.
Zure interesekoa izan daiteke
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.
Bizkaiko Foru Aldundiak arau fiskal berriaren proiektua onartu du, EAJren botoekin eta PSE-EEren abstentzioarekin
Foru erakundearen arabera, EAJk eta PSE-EEk "gutxieneko akordioa" lortu dute, eta testua Batzar Nagusietara bidaliko dute, Legebiltzarrean izapidetzen hasteko.
Hipotekak 600 euro baino gehiago garestituko dira urtean, maileguan hartutako 100.000 euro bakoitzeko
ASUFINen arabera, euriborra % 3,2an kokatuko da irailean, eta tasa aldakorreko hipotekak garestituko ditu.
EBZk tasak % 2,5era igo ditu eta inflazioak epe luzean altu jarraituko duela ohartarazi du
Erakundeak hiru tasa ofizialak 25 oinarri-puntutan igo ditu, urteko bigarren igoeran, prezioen gorakadaren ondorioz.
"Eusko Jaurlaritzak ez du Osakidetzaren kolektibo guztien egoera hobetzeko borondaterik"
SATSE, ELA, LAB, CCOO eta UGT sindikatuek bost greba egun iragarri dituzte urritik abendura bitartean, Osakidetzako kolektibo guztientzako lan-baldintza hobeak eta "benetako edukiak dituen benetako negoziazioa" aldarrikatzeko.