Riberak akordioa azkar adosteko esperantza du, elektrizitatea zentzuzko epe eta prezioetan eskaintzeko
Teresa Ribera Trantsizio Ekologikoko ministroak esperantza du datozen egunetan energia enpresen eta sektore elektrotentsibo handien arteko akordioa lortzeko, "elektrizitatea zentzuzko epe eta prezioetan eskaintzeko".
Bilbon egiten ari diren "Zientziaren eta Berrikuntzaren Etorkizuna" jardunaldien baitan egin ditu adierazpenok Riberak, eta azaldu duenez, industriak elektrizitatearen hornidurari eta prezioari dagokionez duen estaldura "mugatua" da.
"Kontsumo elektriko handia duten industrietan, argindarraren prezioaren kostu finkoen zati horren estaldura txikia dute. Zati bat epe ertain eta luzerako kontratuekin estaltzen dute, prezio finkoan, baina beste zati bat handizkako merkatura joanez estaltzen dute egunero", azaldu du.
Horrek, Riberaren arabera, prezioen gorakadan eragin handia du, eta epe luzerako prezio finkoko kontratuak dituzten Europako beste industria batzuekin alderatuta, alde esanguratsua dagoela esan du, Espainiar estatuko industriak baino estaldura handiagoa dutelako.
Egoera konpontze aldera, energia enpresekin eta elektrizitatea maila handian kontsumitzen duten industria enpresa handiekin hitz egiten ari direla azaldu du, "eperako kontratuen eskaintzak egitea errazteko, gasaren preziotik bereizita". Hala, datozen egunetan akordio bat egotea espero du, elektrizitatea zentzuzko epe eta prezioetan eskaintzeko.
Prezioen gorakadaren aurrean Europa mailan lanean jarraitzea babestu du; izan ere, hasieran Europatik iritsitako erantzuna "motz" geratzen bada ere, "lanean jarraitzeko atea irekitzen du".
Ekitaldi horretan bertan, gas erreserba estrategiko bat izatea proposatu du Urkulluk, trantsizioko energia gisa, Energiaren aldeko Estatu Itun baten barruan, eta proposamen hori aztertzen ari direla adierazi du Riberak. Iragan astean argindarraren tarifan ordaintzen diren hainbat tasa aldi baterako kendu eta atzeratzea proposatu zuen Jaurlaritzak, eta aukera horren aurrean ministroak zehaztu du fakturan tasa finkoak daudela eta, ia orain Espainiako Parlamentuan aurrekontuetan sartzea proposatu behar duen.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.