225,36 euro/MWh kostatuko da argindarra gaur, 200 eurotik gorako hamabigarren egunean, jarraian
Argindarraren prezioak goia jota jarraitzen du eta orduko megawatta (MWh) 225,36 eurora iritsiko da astelehen honetan, OMIE merkatu elektrikoko operadorearen datuen arabera.
Hamabigarren eguna izango da, jarraian, 200 eurotik gorako prezioa izango duela. Dena dela, joan den asteko astelehenean ezarritako salneurria baino 2 euro merkeagoa izango da (227,45 euro/MWh).
20:00etatik 21:00etara bitartean kostatuko da gehien argindarra gaur: 262 euro/MWh. Tarterik merkeena, berriz, 16:00etatik 17:00etarakoa izango da: 200,91 euro/MWh kotizatuko du.
Argindarraren prezio altua eragina izaten ari da ekoizpen industrialean. Hainbat konpainia geldialdiak egiten hasi dira eta oinarrizko hainbat produkturen salneurria igo egin da, ogiarena, adibidez.
Sanchezek iragarri du 100 milioi gehiago bideratuko dituztela arriskuan dauden familiei laguntzeko, negura begira
Argindarraren prezioaren igoeraren aurrean, Pedro Sanchez Espainiako Gobernuko presidenteak iragarri du Ministroen Kontseiluak 100 milioi euro gehiago jasoko dituen errege lege-dekretua onartuko duela astearte honetan, urriak 26, zaurgarritasun egoeran dauden 1,2 milioi familiari negua igarotzen laguntzeko.
Sanchezek aitortu du Europan elektrizitatearen prezioak ezartzeko dagoen sistema ez dela funtzionatzen ari, eta, hori dela eta, "esparru hori eta zuzentarau hori Europar Batasunean berrikustea" eskatu du.
Gainera, Europar Batasunak gasa ekoizten duten herrialdeekin "batuta" negoziatu beharko lukeela ere esan du, "covid-19aren aurkako txertoekin egin zen bezala": "Elkarrekin indartsuagoak gara, negoziatzerako garaian pisu handiagoa dugu Europar Batasuneko 400 milioi pertsonarena negoziatzen badugu, Espainiako 47 milioirena baino".
Europan gauzak berak nahi lukeena baino "motelago" doazela adierazi du, baina konbentzituta dagoela "Europa mailan energiaren krisiari eta prezioen gorakadari erantzun komunitarioa emateko planteamendua" lortuko dela.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.