Tapia: "Ez dut uste Euskadin itzalaldirik egongo denik"
Arantxa Tapia Ekonomiaren Garapen, Jasangarritasun eta Ingurumen sailburuaren ustez, "Euskadin ez da itzalaldirik egongo", argindarraren eta energiaren prezioen gorakadak "ziurgabetasuna" sortzen duela aitortu badu ere.
Sailburua Glasgown dago egunotan, COP26 goi bileran. Radio Euskadiko "Boulevard" saioan egin dioten elkarrizketa batean esan duenez, Eusko Jaurlaritzak agiria aurkeztuko du Regions4 foroaren baitan, eta besteak beste, "maila ezberdinen arteko gobernantza" eta neurri zehatz eta berehalakoak" hartzea defendatuko du.
Efizientzia energetikoaren aldeko apustua egiten jarraitzearen alde agertu da Tapia, baita energia berriztagarri gehiago sortzearen alde: "Parke eoliko gehiago behar ditugu, zalantzarik gabe, baina baita parke fotovoltaikoak ere. Ekian jarri dugu martxan, EKIENEA dimentsio nabarmeneko proiektua da (...) eta ezin dugu efizientzia energetikoa ahaztu, jorratzen jarraitu beharko dugu, ezinbestekoa izango baita 2050era modu egokian heltzeko".
Fracking-aren eztabaidaz galdetuta (Arabako lur azpitik gasa ateratzeko proiektua eduki zuen Jaurlaritzak), sailburuak "itxitzat" jo du Espainiako Estatuan Klima Aldaketaren eta Trantsizio Ekologikoaren Legea onartu zenetik, baina gogoeta egin beharra dagoela uste du: "Zer kosta da gehiago, zerk kutsatzen du gehiago? urruneko herrialde batetik gasa ekartzea, edo gertuago dugun lur azpi batetik?". Horren ildoan, gogorarazi du Europa osoan horren inguruko hausnarketa egiten ari direla. "Alemania klima aldaketaren kontra ekiteko oso konbentzituta dago, baina iaz herrialdeko ikatz zentral handiena ireki zuen; Frantziak ere energia nuklearraren aldeko apustuari eusten dio. Europak ondo pentsatu behar du trantsizio hori modurik ordenatuenean egitea, zuzenean eragiten baitio klima aldaketari", azpimarratu du.
Azkenik, Abiadura Handiko Trenak (AHTa) emisiorik gabeko planean duen lekuaz galdetuta, Tapiak erantzun du tren lasterrak bete egiten dituela egitasmoaren baldintzak: "Tren elektriko hori energia berriztagarriarekin hornitzen badugu, ez du kutsatuko, zero emisio izango ditu. Gainera, eraikitzeko orduan ekonomia zirkularra txertatzea lortzen badugu, isuri gutxi eragingo ditu".
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.