Greta Thunberg: "COP26 promesa politak egiteko itxurakeriaren jaialdi bat da"
Greta Thunberg ekintzaile suediarrak COP26 goi-bilera gogor kritikatu du ostiral honetan. "Itxurakeriaren jaialdi bat" bezala definitu du. "Promesa politak iragartzen dituzte", baina "gortinaren atzean ekintza klimatikoaren aldeko edozein ekimen atzera botatzen dute", salatu duenez.
Milaka gaztek Glasgow hiria hartu dute Fridays For Future (FFF) elkartearen protesta klimatikoan, Klima Goi-bileraren (COP26) "promesa hutsen" aurka protesta egiteko.
FFFren arabera, 25.000 manifestari bildu dira mobilizazioan. Poliziako iturriek esan dutenez, milaka manifestari izan dira kaleetan. Protestaren buruan indigenak izan dira.
"Zer nahi dugu? Justizia klimatikoa!" eta "klima aldaketa aberatsek pobreen aurka egindako gerra da" oihu eginez, milaka gazte ekintzailek haserrea azaldu dute, "klase politikoaren moteltasunaren" aurrean.
Poliziaren dispositibo zabal batek manifestazioa estu hartu du hiriaren erdialdean, baina ez da istilurik izan George Square plazara bidean. Bertan agertoki bat zain zuten. Bozeramaile indigenek eta krisi klimatikoak eragindako desberdintasunek kaltetutako gazteek egoera deskribatu dute.
Thunberg bibaka hartu dute manifestariek, ekintzaile suediarra agertokira igo denean. "Buruzagiek natura eta pertsonak nahita esplotatzen jarraitzen dute", nahiz eta "bizi-baldintzak suntsitu", adierazi du Thunbergek.
Suediako ekintzaileak ziurtatu duenez, "COP26 porrot bat da; klimaren goi-bilerak harreman publikoetarako ekitaldiak bihurtu direla bistakoa da". Thunbergen hitzetan, "pobrezia eta desberdintasuna betikotzeko soilik balio dute", eliteak "etekinak mantentzen" dituen bitartean.
Bestalde, Vanessa Nakate Ugandako ekintzaileak esan duenez, "COP berri batean gaude, baina, zenbat gehiago egin beharko ditugu buruzagiak Lurra suntsitzen ari direla ohartzeko?".
"Nire herriko klima, Uganda, azkar aldatzen ari da", ohartarazi du Nakatek. "Jendea hiltzen ari da, eta umeek ikasteari uzten diote; Afrikan egunero gertatzen den hondamendia da", erantsi du. Nakateren hitzetan, kontinentea, "klima aldaketaren lehen lerroan dago, baina ez da sekula egunkariko azalean agertzen".
Zure interesekoa izan daiteke
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.