Eusko Jaurlaritzak % 5,6ra jaitsi du EAEko hazkunde ekonomikoaren aurreikuspena 2021ean
Eusko Jaurlaritzak Euskal Autonomia Erkidegoko (EAE) Barne Produktu Gordinaren (BPG) aurtengo hazkundearen aurreikuspena % 6,7tik % 5,6ra jaitsi du, eta 2022rako % 6,7ko igoera aurreikusten du, aurretik kalkulatutako % 6,4aren aldean.
Hala iragarri du Pedro Azpiazu Ekonomia eta Ogasun sailburuak Eusko Legebiltzarreko osoko bilkuran, Elkarrekin Podemos-IUk, PP+Cs eta Voxek 2022rako aurrekontuen lege proiektuari aurkeztutako osoko zuzenketen eztabaidan.
Enpleguari dagokionez, berrikuspenak ia ez dakar aldaketarik irailekoarekin alderatuta. Agertoki berriaren arabera, 13.390 pertsonak aurkituko dute lana 2021ean, eta ia 11.500ek 2022an.
Enpleguaren bilakaerak langabezia-tasan ere izango du isla, urteko batezbestekoa % 10ekoa izango baita aurten, hasieran % 10,3ko tasa aurreikusi arren, eta % 9,2ra jaitsiko da 2022an, irailean kalkulatutako % 9,5aren aldean.
Taula makroekonomikoaren berrikuspen hori Eustatek 2021eko hirugarren hiruhilekorako kalkulatutako hazkundea espero zena baino txikiagoa izan ondoren egin du Jaurlaritzak, kalkulatutako % 5,5etik % 3,9ra igaro baita.
Aurreikuspenak jaisteak ez du esan nahi ekoizpen-sarearen "ahultasuna" ekarriko duenik, aurten sortu ezingo den BPGaren zati bat 2022ko hazkundera eramango dela baizik.
Industriako balio erantsiaren aurtengo hazkundeak ere behera egingo du, % 9,7tik % 8,7ra, baina hurrengo urteko tasa % 5,6tik % 6,6ra igoko da. Eraikuntzaren kasuan, 2021eko emaitza % 4,2tik % 2,7ra jaitsi da, eta 2022koa % 4,5etik % 5,2ra igo da.
Zerbitzuen kasuan, ia puntu bat jaitsi da aurten, eta ia ez da aldaketarik izango datorren urtean (% 6,7).
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.