Gasolinak marka historikoa hautsi du bederatzi urte beranduago, 1,538 euro litroa
Gasolinaren prezioak gora egin du bosgarren astez jarraian, eta marka historikoa hautsi du, 1,538 euro litroa. 2012ko irailean azken maximo historikoa gainditu zuen, duela bederatzi urte baino gehiago.
Europar Batasuneko (EB) Petrolio Txostenak ostegun honetan jakitera eman duenez, Espainiako Estatuan gasolina litroa batez beste 1,538 euroan saltzen ari dira aste honetan. Gasolioak, aldiz, 1,422 euroko salneurria du.
Igoera berriaren ostean, duela hamar urte baino gutxiago ezarritako marka, 1,522 euro, hautsi du gasolinak. Bitartean, gasolioaren prezioak gora egin du seigarren astez jarraian ,eta 1,445 euro maximo historikoaren azpitik dago (% 1,6), baina bosgarren salneurri garestiena gainditu du.
Azken astean % 1,2ko eta 1,4ko igoerekin, hurrenez hurren, bi erregaiek goranzko joera mantentzen dute 2022an. Horrela, urteko lehen bost asteetan etengabe gora egin dute, iragan Eguberrietako atsedenaldiaren ondoren.
Zentzu horretan, gasolinak eta gasolioak 2020ko azaroan hasitako igoerari berriz heldu diote. Orduan ia etengabe garestitzen hasi ziren. Duela ia bi hilabete marka historikoak hausteko zorian izan ziren dagoeneko.
Depositua betetzea 84 eta 78 euro, hurrenez hurren
Gauzak horrela, 55 litroko depositu bat gasolinarekin betetzeko 84 euro baino gehiago behar dituzte herritarrek, eta gasolioz betetzeko 78 euro.
2021eko aste berdinarekin alderatuta, gasolina % 25 garestitu da orain, eta gasolioa % 28. Bestalde, 2020ko aste berdinaren prezioak aztertuz gero, pandemiak eztanda egin baino hilabete batzuk lehenago, gasolina % 17 garestiagoa da, eta gasolioa % 15.
Gainera, azken hilean gasolina % 4 garestitu da, eta gasolioaren prezioak % 6 egin du gora.
Ipar Euskal Herrian, gasolinak 1,746 euroko prezioa du, eta gasolioak 1,670 euroko salneurria.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.