PSE-EEk eta EH Bilduk akordioa lortu dute Iruña Okan 2022ko aurrekontuak onartzeko
PSE-EEk eta EH Bilduk akordioa lortu dute Iruña Okan, sozialistek gobernatzen duten Arabako herrian, eta, horri esker, 2022rako udal-aurrekontuak onartu ahal izango dituzte, alderdi subiranistak proposatutako hogei bat partida sartu baitira kontuetan, guztira 466.000 euroko balioarekin.
EH Bilduk ohar baten bidez jakinarazi duenez, hainbat astetako negoziazioen ondoren, datozen egunetan alderdi subiranistaren planteamenduak izapidetuko dituen aurrekontu proiektua onartu du Gobernu Taldeak.
Davide di Paola EH Bilduk Udalean duen bozeramailea pozik agertu da "pertsonak erdigunean jartzea" ekarriko duen akordioa lortu dutelako, "trantsizio energetikoan, kalitatezko enpleguaren sorreran edo udalerrian bizi direnei zerbitzu publikoen eskaintzan aurrera egitea ahalbidetuko duena".
Horrela, udalerri berde eta iraunkor bat lortzeko 170.000 euro erabiliko dira. Atal honetan sustatuko diren proiektuen artean, honako hauek daude: Arraten plaka fotovoltaikoak instalatzea, ibilgailuentzako karga elektrikoko puntu bat instalatzea, ibilgailu elektriko bat erostea edo udalerrian energia-kontsumoa murrizteko plan bat egitea.
PPk bertan behera utziko du PSE-EErekin duen bilera, zuzentzen ez badu
Euskadiko PPk bertan behera utziko du Eneko Andueza Euskadiko sozialisten idazkari nagusiarekin datorren asteazkenean egitekoa zuen bilera, baldin eta alderdi horretako zuzendaritzak ez badu zuzentzen eta ez badu baztertzen PSE-EEk eta EH Bilduk Iruña Okako Udalean duten aurrekontu-ituna.
Carlos Iturgaiz Euskadiko PPko presidenteak agerraldia egin du Gasteizko Legebiltzarrean itun hori salatzeko, eta adierazi du Alderdi Popularrak "PSE-EErekiko leialtasunez" jokatu duela beti udalerri horretan, bi alderdien artean "2005etik gobernu akordio bat baitzegoen".
PSE-EEk, jarraitu du, ez zuen EH Bildurekin akordioa behar, PPk, zinegotzi bat alkateorde dela, Iruña Okan egonkortasuna eman duelako "une oro", eta horrek agerian uzten du sozialisten "norabide erradikala".
Hala ere, PSE-EEko zuzendaritzak EH Bildurekin egindako akordioa babestu du, eta ez du erabaki hori zuzentzeko asmorik, PPk eskatu dion bezala.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.