Metro Bilbaoren 5. linea egiteko lanak urrian hasiko dira
Bilboko metroaren 5. linea egiteko lanak urrian hasiko dira, eta horiek amaitutakoan Galdakaoko ospitaleraino iritsiko da.
6,3 kilometroko luzera izango du, eta bost geltoki izango ditu: Sarratu, Aperribai, Bengoetxe, Galdakao eta Usansoloko Ospitalea. Gainera, konexioa izango du Busturialdetik eta Durangaldetik datorren Euskotrenen linearekin. Lanek 360 milioi euroko aurrekontua izango dute, eta horri Euskotrenekin lotzeak eragingo duen kostua gehitu beharko zaio.
Bilbo eta Galdakaoko ospitalea lotuko dituen metroaren 5. lineak 360 milioi euroko kostua izango du, eta Eusko Jaurlaritzak eta Bizkaiko Foru Aldundiak erdi bana ordainduko dute, Europar Batasuneko Next Generation funtsen zain egon gabe.
Bi erakundeek maiatzean sinatuko dute finantzatzeko hitzarmena. Aurreikuspenen arabera, hilabete horretan bertan lizitatuko ditu Euskal Trenbide Sareak (ETS) proiektuaren lehenengo bi zatiak, abuztuan esleituko dira obrak eta urrian hasiko dira lanak.
Epeak betetzen badira, metroa 2027an iritsiko da Galdakaora, eta bi urte geroago, ospitalera.
Urkullu: "Proiektua definituta dago eta aurrera eramateko finantza-gaitasuna daukagu"
Bilbo eta Galdakaoko ospitalea lotuko dituen metroaren 5. lineari buruzko azalpenak eman dituzte gaur goizean Iñigo Urkullu lehendakariak, Iñaki Arriola Eusko Jaurlaritzako Lurralde Plangintza, Etxebizitza eta Garraio sailburuak eta Unai Rementeria Bizkaiko ahaldun nagusiak.
"Proiektua definituta dago eta aurrera eramateko finantza-gaitasuna daukagu. Ados jarri gara eta azpiegitura hori % 50ean finantzatzeko konpromisoa hartu dugu", esan du lehendakariak. Europar Batasuneko Next Generation funtsei itxaron gabe erabaki dute lanak hastea. Urkulluren esanetan, ordea, azkenean dirua Euskal Autonomia Erkidegora heltzen bada, euskal erakundeek 5. linea egitera bideratutako dirua "askatu" eta beste inbertsio batzuk "bizkortu" ahalko dituzte.
Albiste gehiago ekonomia
Etxebizitzaren prezioak goia jo du berriro Donostian: 5.869 euro metro koadroko
Apirila eta ekaina bitartean, metro koadroko prezioa % 1 igo da oro har Gipuzkoan, aurreko hiruhilekoarekin konparatuta. Etxebizitzen salerosketari dagokionez, % 2,7 handitu da, eta alokairuak, ordea, % 10,9 egin du behera.
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.