Confebaskek azkar ekiteko eskatu die erakundeei "kolapso ekonomiko eta industriala" saihesteko
Confebaskek Espainiako Gobernuari eta Eusko Jaurlaritzari eskatu die "lehenbailehen" har ditzatela neurriak kolapso ekonomiko eta industriala saihestu nahi bada eta ohartarazi du ezin dela martxoaren 29ra arte itxaron. Hain zuzen ere egun horretan espero da Ukrainako gerrari erantzuteko Plan Nazionala onartzea, gatazkaren eragin ekonomiko eta sozialei erantzungo diena. Azpimarratu dute "enpresa asko hemendik egun gutxira itxi beharrean" aurkitzeko aukerak handiak direla eta gaineratu duenez, "euskal industriak ezingo dio jardunari luzaro eutsi".
Ohar batean, euskal patronala eta haren haren erakunde elkartuek -Adegi, Cebek eta Sea- ohartarazi dute euskal enpresen egoera "azkar eta larriki okertzen" ari dela, eta "buelta ematea zaila" suertatuko den puntu batera iristen ari direla.
Confebaskek adierazi duenez, Ukrainako gerraren ondorioz, "gatazka piztu baino lehenagotik ere jada jasangaitzak" ziren energiaren eta lehengaien kostuak "izugarri handitu" dira. Gainera, egoera "larri" horri garraio-greba bat gehitu zaio azken egunotan. Faktore horiek guztiek elkartuta, "mehatxu handia dira jarduera-sektore guztien bideragarritasunarentzat, mota eta tamaina guztietako enpresentzat, eta, oro har, euskal ekonomiarentzat; izan ere, galera handiak eragiten ari baita, bai horniduran, bai fakturazioan".
Adierazi duenez, bi faktore horien ondorioz, "enpresa asko egun gutxitan ixtera behartuta egon daitezke". Hori dela eta, ziurtatu du "premiazkoa" dela administrazioek energia-kostuak murrizteko eta hornidura falta desblokeatzeko beharrezko neurriak hartzea, hilaren 29ra arte itxaron gabe.
Confebaskek gogorarazi du Europan erreferentzia diren beste herrialde batzuek, hala nola Alemaniak, Frantziak eta Italiak, Ukrainako gerraren ondorio ekonomiko eta industrialei aurre egiteko neurriak hartu dituztela dagoeneko, martxoaren 24an eta 25ean egingo den Europako Goi-bileraren zain egon gabe.
Era berean, euskal patronalak adierazi du Espainiako Gobernuak MW/h-ko argiaren prezioa 180 eurora mugatzeko egindako proposamenak ez duela "arazoa konpontzen", prezio horrek industria osoarentzat "kostu onartezina" izaten jarraitzen duelako, ez soilik sektore elektrointentsiboarentzat.
Bestalde, Confebaskek dei egin die garraioko greban inplikatutako aldeei "erantzukizunez joka dezaten eta merkantzien garraioa desblokeatuko duen premiazko akordio batera irits daitezen".
Laburbilduz, ondorioztatu duenez, neurriak berehala hartzen ez badira, "euskal industriak ezin izango dio bere jarduerari luzaro eutsi", eta egungo egoerak bere horretan jarraituz gero, ondorioak "iragarri ezinak eta inoiz ikusi gabeak" izango dira Euskadiko enpresa-sarearentzat, baita enpleguarentzat eta, oro har, gizartearentzat ere.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.