Europar Batasunak baimena eman die Espainiari eta Portugali neurri bereziak hartzeko, argindarra merkatzeko
Portugalek eta Espainiak argindarraren prezio garestiak kudeatzeko "tratu berezia" behar dutela onartu dute Europar Batasuneko buruzagiek goi-bileran.
"Iberiar penintsularentzako tratu berezi bat adostu dugu, euren egoera berezia kudeatu eta prezioak gobernatu ahal izateko", adierazi du Ursula von der Leyen Europako Batzordeko presidenteak ia hamar orduko bileraren ostean.
Von der Leyenen hitzetan, Espainia eta Portugal egoera "oso berezian" daude, haien mix energetikoak energia berriztagarrien proportzio handia duelako, baina aldi berean Batasuneko gainerako estatuekin "interkonexio gutxi" dituzte.
Iberiar penintsularako irtenbide berezi bat posible dela defendatu du Espainiak Europako buruzagien aurrean; izan ere, "uharte energetikoa" izanik ez dio Europako merkatuaren funtzionamenduari eragingo, diplomaziako iturriek ziurtatu dutenez.
Areto barruan, Pedro Sanchez Espainiako gobernuburua gasaren salneurriari muga jartzearen alde agertu da, handizkako merkatuan argindarraren prezioei eusteko.
Gainera, maiatzean gas eta argindar merkatua banantzeko mekanismoak aurkeztuko ditu Europako Batzordeak, Von der Leyenek azaldu duenez. Gasaren prezio garestiek argindarraren handizkako merkatuari zuzenean eragitea saihestu nahi du proposamenak.
Sanchez EBk iberiar penintsularen "berezitasuna" kontuan izan behar duela defendatuz iritsi da goi-bilerara, Espainiak eta Portugalek berehala argindarraren prezioa mugatzeko neurriak hartu ahal izatea onartzea, alegia.
Haserre filtrazioengatik
Europako Kontseiluaren bileran atsedenaldi bat behartu du Sanchezek, goi-bileran negoziatzen ari ziren jarrerak filtratzen ari zirelako haserre.
Eztabaida "beroan" murgilduta, Espainiako iturrien arabera, Sanchezek France 24ko kazetari baten txioa irakurri du. Prezioak kontrolatzeko eskakizunari jaramonik egiten ez baldin bazioten, goi-bileraren ondorioei betoa jartzeko prest egotea leporatzen zion txioak Espainiako gobernuburuari.
Batzarra amaitu ondoren, Antonio Costa Portugaleko lehen ministroarekin batera agerraldia egin du Sanchezek. Hilabeteetako lanaren ondotik, bi estatuentzako "lorpen handia" dela esan du Espainiako agintariak.
"Gaurtik aurrera energiaren prezioak murrizteko salbuespeneko neurriak martxan jarri ahal izango ditugu denbora tarte mugatuetan", azpimarratu du Sanchezek. Hala ere, zehaztu duenez, bi gobernuek Europako Batzordeari proposamenak aurkeztu beharko dizkiote, haren oniritzia jasotzeko, baina "penintsularen baldintza bereziak" kontuan izango ditu.
Espainiako Gobernuko presidenteak nabarmendu duenez, "denboraldi baterako salbuespeneko neurri batek ez du gasa diruz laguntzea suposatzen, ez ditu berriztagarrien pizgarriak desitxuratzen, ezta herrialdeen arteko fluxu elektrikoak ere", eta, azken finean, ez du Europako "argindar merkatua aldatzen".
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.