Nafarroako Garraiolarien Elkarteak greba mugagabearekin jarraitzea erabaki du
TRADISNA Nafarroako Garraiolarien Elkarteak martxoaren 14ean hasitako greba mugagabearekin jarraitzea erabaki du gaur goizean. Izan ere, garraiolari nafarrentzat, Raquel Sanchez Espainiako Gobernuko Garraio ministroak proposatu dituen neurriak "ez dira nahikoa" eta "ez diote irtenbide errealik ematen sektoreak dituen arazoei".
Iñaki Goñi garraiolariak Euskadi Irratiari azaldu dionez, "ez da soilik erregaia. Jubilazioen gaia ere jarri genuen mahai gainean, gaixotasun laboralak... eta hartutako neurriak behin-behinekoak dira, ekainera arte bakarrik".
Arratsaldean manifestazio egin dute 17:00etan Iruñean, Baluarte Plazatik hasita, eta EHNE nekazari eta baserritar sindikatuaren babesa izan dute. "Garraiolariak ez gara ez heroiak ez gaizkileak. Konponbideak orain!" lelopean egin den protestan, Espainiako Garraio ministroaren dimisioa eskatu dute.
Halere, manifestazioan espero baino parte-hartze txikiagoa izan da, 300 bat lagunek hartu dute parte (garraiolarien senideak barne) eta horrek agerian utziko luke zatiketa dagoela Nafarroako garraiolarien artean. Ikusteke dago datozen egunetan batzarra egiten duten ala ez eta, egingo balitz, zer erabakitzen duten.
Ildefonso Gamez Nafarroako garraiolarien elkarteko presidenteak berretsi du ezin dela kostuen azpitik lan egin: "Eskatzen dena da gutxieneko klausula bat egotea, hortik behera inork lan egin ez dezan". "Bazkideek eskatuz gero" asanblada bat egin dezaketela ere esan du Gamezekn, eta han lanuztearekin ez jarraitzea erabakiko balitz, "lanean hasiko ginateke", Plataformak "deskonbokatu edo ez".
Alberto Latorre elkarteko gerenteak aitortu du "zerbait gehiago" espero zutela Espainiako Gobernuaren aldetik. "Ez da espero zena etorri. Gai asko daude, ez da soilik gasolioarengatik eskaintzen den kopurua, ez da akordiorik izan dirua galduz lan egiteari buruz, ezta beste gai sozial batzuei buruz ere, 60 urterekin erretiro aurreratua hartzeari dagokionez, adibidez".
800 bazkide inguru ditu TRADISNAk(600 autonomo eta 200 enpresa txiki), eta "gure bazkideen artean denetarik dago, grebarekin bat egin dutenak eta egin ez dutenak", esan du gerenteak.
Errepideko Garraioaren Defentsarako Plataformak grebari eustea erabaki zuen ostiralean
Atzo, Errepideko Garraioaren Defentsarako Plataformak, autonomo eta pymez osatutako eta geldialdi honen bultzatzaile den plataformak, grebari eustea erabaki zuen Sanchez Garraio ministroarekin bildu ondoren. Ordu batzuk lehenago, Espainiako Gobernuak akordioa itxi zuen Errepide Garraioko Batzorde Nazionalarekin.
"Zoritxarrez, lanuztearekin jarraituko dugu", adierazi zuen Manuel Hernandez Errepideko Garraioaren Defentsarako Plataformako presidenteak arratsaldeko bileratik irtetean. Hernandezek azaldu zuen plataforma prest legokeela greba bertan behera uzteko Espainiako Gobernuak garraiolariei bermatuko balie "lan egitea kostatzen zaiena ordainduko dietela". Hernandezen hitzetan, ministroak esan zien datozen hilabeteetan "lege zirriborro" baten bidez bermatuko dutela garraiolariek gastuen gainetik kobratzea baina ordura arte ezin dutela neurririk hartu. Hala, grebarekin aurrera jarraitzea erabaki dute garraiolariek
Euskal Autonomia Erkidegoan, Hiru Euskal Herriko Garraiolarien sindikatuak ezohiko batzar orokorrera deitu ditu afiliatuak igande honetan, garraioaren grebarekin jarraituko duten ala ez erabakitzeko.
Zure interesekoa izan daiteke
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.