Itsasadar azpiko tuneletik Getxo eta Sestao lotuko dituzten errepideak horrelakoak izango dira
Itsasadarraren azpian hiru kilometroko tunelean, Artatza (Getxo) eta Ballonti (Sestao) lotuko dituzten errepideen konponbide teknikoak aurkeztu ditu gaur Bizkaiko Foru Aldundiak. Diseinuak aukeratzeko 30 aukera ezberdin aztertu dituzte. "Mugarri historikoa" dira, eta azpiegituraren bi "puntu kritikori" irtenbidea emango diete. Tunela 2028an zabalduko dute, 400 milioi euroko inbertsioa egin ondoren.
Imanol Pradales Azpiegitura eta Lurralde Garapenerako diputatuak prentsaurrekoan azaldu duenez, Eskuinaldean, ingeniarien proposamenak Artatza ingurua libratzeko aukera ematen du, bertan ikastetxe bat, institutu bat, parke bat eta etxebizitzak baitaude. Guztiek pasabide "estua" uzten dute. Pradalesek azpimarratu duenez, nahiz eta obrek zonaldean "eragina" izan, "azkenean egitura errespetatuko dute".
Ezkerraldean, "lotune handi bat" altxatzea berritasun nagusia izango da, Galindoko biribilgunearen trafikoa arintzeko eta Kantabriatik, A8tik, tunelera doazenen "sarbide zuzena" errazteko.
Supersaihesbidearen bigarren fasearekin batera, tunela Arrontegiko pilaketak eta "zaurgarritasun handia" murrizteko konponbide integralaren parte da. A8, Artatza eta Txorierriren artean, batez beste egunero 155.000 ibilgailuk zeharkatzen dute Arrontegi. Aldundiko datuen arabera, Itsasadar azpiko tunelak batez beste 51.000 ibilgailu hartuko ditu , eta Artatzatik 18.000 ibilgailu baino gehiago aterako ditu, 14.000 Max Centerreko zuzengunetik eta beste 35.000 inguru Arrontegitik.
Diputatuak nabarmendu duenez, proiektu "oso konplexua da; izan ere, estuario bat zeharkatzen du, eta metropolitik igarotzen da, eta beharrizan batzuk ditu, baina baita muga batzuk ere, tokia dagoena dagoelako".
Nolakoak izango dira bi aldeetako loturak?
Eskuinaldeko lotura Artatzako biribilgunean egingo dute, bertan batzen diren hiru ardatz nagusiak tunelarekin lotuz: Artatzako errepidea Bilbotik, Uribe Kostako korridorea eta Artatzako errepidea luzatzea Zugatzarteraino (Getxo).
Konexioa errei bakarreko sarrera edo irteeren bidez egingo dute, Artatzako biribilgunearen azpitik. Horrela, tunelaren lotune guztiak zuzenak izango dira.
Ezkerraldean, Itsasadar azpiko tunela Ballontiko ardatzera aterako da Nervaceroren biribilgunetik, eta A8ra Bilbora eta Kantabriara joateko loturen bidez. Gainera, "lotune handi bat" altxatuko dute Portugalete-Sestao eta tunela-Sestaoko trafikoa bideratzeko, Galindoko biribilgune saihestuz, Supersaihesbidearekin lotzeko.
Mugarri izango den hurrengo eraikuntza proiektuaren inguruan galdetu diote Pradalesi. Tunelaren multimodalitatea konpontzea izango dela ziurtatu du diputatuak, hau da, trafikoari beste mota bateko garraio publikoarekin laguntzea.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.