Kontsumobidek gogorarazi du gasaren faktura ez dela zertan 6 hilabetetik gorako atzerapenarekin ordaindu
Kontsumobide - Kontsumoko Euskal Institutuak gomendatu du arreta berezia eskaintzea gasaren fakturei. Era berean, gogora ekarri du kontsumitzaileek ez dutela zertan sei hilabetetik gorako atzerapenarekin ordaindu.
Kontsumoko Euskal Institutuak ohar batean adierazi duenez, egungo krisi-egoerak eta gasaren prezioen aldakortasunak "ezustekoak ekar ditzakete, eta horiei aurre egiteko modurik onena prebentzioa da. Hala, komeni da fakturak arretaz aztertzea, fakturazio aldiak eta datuak zuzenak direla ziurtatzea eta fakturak jasotzeko maiztasuna ez dela aldatu egiaztatzea".
Kontsumobidek hauteman du gora egin dutela gas-faktura "izugarriek" eragindako kexek eta kontsultek. Kontsumitzaileek salatzen dute aldi batean ez dietela irakurketa errealik egin, edo kasu batzuetan ez dietela faktura bakar bat ere bidali, eta gero metatutako kontsumo guztiak fakturatzen dizkiela enpresa merkaturatzaileak. Halako kasuetan, fakturak 1.000 eurotik gorakoak izaten dira.
Horren aurrean, Kontsumobidek gogorarazi du gas-kontsumoaren irakurketa bi hilabetez behin edo hilean behin egin behar dela. Gasaren enpresa merkaturatzaileek ezin dituzte fakturatu 6 hilabetetik gorako atzerapena duten kontsumoak, eta ezin dituzte kontsumo horiek erreklamatu.
Bestalde, fakturetako egokitzapenak edo atzerapenak ordaindu behar dituzten kontsumitzaileek ordainketa 6 hilabetean ere zatitu dezakete.
Kontsumitzaileak kontsumoaren irakurketa okerrak hautematekotan edo irakurketarik egin ez dela nabaritzekotan, enpresa merkaturatzaileari kontsumoaren irakurketa ematea komeni da. Horretarako, gas-fakturan horretarako agertuko den telefonoa erabiliko da.
Kontsumitzaileak uste badu bere enpresa merkaturatzaileak ez dituela bere eskubideak betetzen, edo zalantzarik badu, Kontsumobidek gomendatu du lehenengo enpresa merkaturatzaileari galdetzea, eta, beharrezko izanez gero, ondoren Kontsumobiden edo KIUBetan erreklamazioa jartzea.
Bestalde, komeni da gogoan izatea urtean 50.000 KWh-tik beherako gas-kontsumoa duten kontsumitzaileak merkatu arautuko Azken Baliabideko Tarifan sar daitezkeela.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.