Gaztelagun alokairurako laguntzak jasotzeko gehieneko adina 36 urtera igo du Eusko Jaurlaritzak
Gaurko gobernu bileran, gazteen alokairua diruz laguntzeko Gaztelagun programaren agindu berria onartu du Eusko Jaurlaritzak, eta 7,6 milioi euroko aurrekontua izango du. Horrela, aurrerantzean pertsona gehiagok eskatu ahalko dute dirulaguntza, besteak beste, eskatzaileen urteko gehieneko diru-sarrera gordinak igo, laguntza eskatzeko hiru urteko gehieneko epea ezabatu eta gehienezko adina 36 urtera luzatu delako.
Gobernu bileraren osteko prentsaurrekoan, Iñaki Arriola Eusko Jaurlaritzako Lurralde Plangintza, Etxebizitza eta Garraio sailburuak Gaztelagun programaren agindu berriaren xehetasunak azaldu ditu. Dirulaguntza horiek gutxi gorabehera zenbat pertsonak jaso ahalko dituzten galdetuta, Arriolak esan du Gaztelagun programak ez duela ikuspuntu lehiakorra eta dagoen eskaerari erantzun nahi diola. Nolanahi ere, eskatzaileen kopurua handitzea espero du.
Hauek dira aldaketa nagusiak:
· Urteko 24.500 eurorainoko diru-sarrera gordinak dituzten norbanakoek eskatu ahalko dute dirulaguntza. Familien kasuan, gehienezko kopuru hori 30.000 eurokoa izango da; 32.000 eurokoa, familia ugarien kasuan.
· Laguntzaren hileroko zenbatekoa 250 eurotik 275 eurora igoko da. 2022an abian jarri ahal izan da aurtengo Euskal Autonomia Erkidegoko Aurrekontu Orokorren Legean sartu baitzen.
· Jaso ahal izango den gehieneko diru kopurua errentaren % 60 izango da. Orain arte, % 50ean zegoen jarrita langa.
· Urtebetetik sei hilabetera murriztu da laguntza eskatu ahal izateko etenaldirik gabe Euskadin bizi beharreko denbora.
· Baimendutako hasierako gehieneko errenta igo egin da hiru hiriburuetan (Bilbo, Donostia eta Gasteiz) 775 eurotik 800 eurora. Bilboko eta Donostiako metropolian eta 10.000 biztanletik gorako udalerrietan, 750 euroan mantendu da; gainerako herrietan, 675 euroan.
Araudi berria maiatzaren 6an, Euskal Herriko Agintaritzaren Aldizkarian argitaratu ondoren, sartuko da indarrean.
Gaztelagun programako dirulaguntzak eskatzeko hiru modu daude: Zuzenean zerbitzuaren bulegoetan, Eusko Jaurlaritzaren webgunean eta Alokabideren webgunean eska daitezke.
Albiste gehiago ekonomia
Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Mondragon Korporazioko Diknua kooperatibak 1,5 milioi ordaindu ditu Ternuagatik eta 56 lanpostu mantenduko ditu
Donostiako Merkataritza arloko 1 zenbakiko Epaitegiak konpainiaren 56 enpleguak Euskadin mantentzea ekarriko duen operazioa baimendu du, "lan-baldintzak eta antzinatasuna errespetatuz".
Honelakoa da Internet bidezko iruzurren aurkako banku-egiaztapen berria
Hemendik aurrera, hartzailearen izena eta IBAN kodea bat ez badatoz, erabiltzaileari jakinaraziko dio bankuak, transferentzia bidezko iruzurrak errotik mozteko.
Estatuan, EAEn sortu dira abuztuan enpresa berri gehien, % 24,1eko hazkundearekin
Guztira, 201 enpresa sortu dira Euskal Autonomia Erkidegoan, eta 9,7 milioi euroko kapitala izenpetu dute. Sozietate mugatu gisa sortu dira guztiak.
SAPA Transmission konpainia gipuzkoarrak AEBko Armadaren ibilgailu blindatuen transmisio sistema egingo du
2025-2030 Plan Estrategikoaren arabera, konpainiak partaidetza handia izango du kontratuetan, eta 7.000 unitate egingo ditu datozen urteetan.
Gaur amaituko da Sabadelleko akziodunek BBVAren eskaintza onartu ala ez erabakitzeko epea
Epea amaitu baino ordu batzuk lehenago, Cesar Gonzalez Bueno Banco Sabadelleko kontseilari delegatuak ziurtatu du BBVAk eman dituen datuak "boluntaristak" direla. BBVAren esanetan, Sabadelleko akzioen % 50 trukatu dituzte, baina Sabadellek esan du ez direla % 30era heldu.
"Iaz, azoka egin eta hilabetera, enpresen % 35ek esan ziguten kontratazioak edo elkarrizketak izaten ari zirela"
Donostian, Enplegu Azoka egiten ari dira, Gipuzkoako Merkataritza Ganberaren eskutik. Gipuzkoako Ganberako Ezagutzaren Kudeaketa Arloko zuzendari Ana Ugalderen hitzetan, azoka aukera "zoragarria" da langabetuentzat zein ibilbide profesionala aldatu nahi dutenentzat, eta azokan bertan lana topatzeko aukerak daudela erantsi du.
LABek eta Steilasek egun osoko lanuzteari eutsi diote urriaren 15ean, Gazako genozidioa salatzeko
Gasteizen agerraldia egin dute LAB eta Steilas sindikatuetako ordezkariek, urriaren 15ean Hezkuntzan deituta duten egun osoko lanuzteari eusten diotela azaltzeko. Hezkuntzako komunitatea osatzen duten kide guztiei dei egin diete herri eta hirietan egingo diren mobilizazioetan parte hartu eta Palestinari babesa adierazteko. EAEko hiru hiriburuetan 12:30ean egingo dira manifestazioak.
Oronak lantegi berri bat eraikitzeko 60 milioi euroko inbertsioa egingo du Hernaniko lurretan
Orona enpresak 60.000 metro koadroko lur-eremua erosi duela iragarri du, igogailuen sektorean ariko diren 150 lanpostu sortzeko helburuz.
Ryanairrek txalotu egin du eskuko ekipajearen espedientea, eta Kontsumok “airelineak defendatzea” leporatu dio EBri
Europako Batzordeak zalantzan jarri ditu Espainiako Gobernuak kostu txikiko hegaldien bost konpainiari ezarritako 179 milioiko zigorrak; kontsumitzaileek eta Bustinduy ministroak, berriz, Bruselaren “menpekotasuna” salatu dute aireko sektorearen presioen aurrean.