Ia puntu bat jaitsi du Cebekek 2022rako Bizkaiko ekonomiaren hazkunde-aurreikuspena
Cebek Bizkaiko Enpresarien Konfederazioak % 5,2tik % 4,5era jaitsi du 2022rako Bizkaiko ekonomiaren hazkunde-aurreikuspena, eta horretarako hiru arrazoi nabarmendu ditu: Ukrainako gerraren ondorioak, energia-kostuen igoera eta inflazio altua.
Bizkaiko patronalak asteazken honetan egingo duen ohiko batzar orokorraren harira, Cebekeko presidente Carolina Perez Toledok prentsaurrekoa eman du Bilbon. Biharko batzar horretan, Iñigo Urkullu lehendakariak ere parte hartuko du, behin koronabirusa gaindituta, astearte honetan bere agenda publikoa berreskuratu eta gero.
Bizkaiko patronalaren arduradunak adierazi duenez, Ukrainako gerraren ondorioek, energia-kostuen, lehengaien eta horniduren igoerak eta inflazio handiak, besteak beste, urteko bigarren hiruhilekoan eragin zuzena izan dute. Zehazki, industria-sektoreko enpresa txiki eta ertainei eragin dizkiete kalte handienak.
Testuinguru horretan, Cebekek % 4,5eko hazkundea espero du aurten Bizkaian, eta ez aurretik uste zen % 5,2koa. Hau da, ia puntu bat egin du behera aurreikuspenak.
Gauzak horrela, Bizkaiko patronalak "indarrak batu" eta enpresen, langileen, erakundeen eta gobernuen arteko "lana bateratu" behar dela esan du, "guztion onena eskatzen duen egoera konplexu bati erantzuna emateko".
Cebekek 382 enpresari egindako inkestaren emaitzak
Cebekek sektore guztietako 382 enpresari egindako inkestari dagokionez, enpresen % 47k adierazi dute bere eskaera-zorroak behera egin duela Ukrainako gerraren ondorioz. Gainera, % 63ren errentagarritasuna murriztu da aurtengo lehen hiru hilabeteetan.
Bestalde, inkestatuen % 16k soilik uste dute datozen hilabeteetan langile kopurua murriztuko dutela, eta % 92k uste dute ezinbestekoa dela errenten inguruko ituna egitea.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.