Osakidetzak legegintzaldian egonkortuko dituen lanpostuen kopurua bikoiztu duela defendatu du Sagarduik
Gotzone Sagardui Osasun sailburuak kontrol saioan azaldu duenez, EAJren taldeak egindako galdera bati erantzunez, Eusko Jaurlaritzak bikoiztu egin du legegintzaldiaren hasieran egonkortzeko konpromisoa hartu zuen plazen kopurua, 4.000tik 8.000ra igarota. Horren arrazoia da 2018-2019 eta 2020-2021 urteetako lan-eskaintza publikoei gehitu zaizkiela Diputatuen Kongresuan iaz onartutako behin-behinekotasuna murrizteko premiazko neurrien legeari jarraituz egonkortuko diren lanpostuak.
Joan den astean mahai sektorialak egindako bileran iragarri zuen bezala, Sagarduik gogorarazi du gehienez 3723 plaza egonkortuko dituztela Iceta legearen bidez, eta egonkortze prozesuan jarraituko diren prozesuak zehaztu ditu: lanpostu batzuk lehiaketa-oposiziora aterako dira, eta beste batzuk merezimendu-lehiaketara. Deialdia abenduaren 31 baino lehen egin behar da, Espainiako legeak ezarritakoaren arabera, eta 2024ko abenduaren 31n amaituta egon behar da prozesu osoa.
Osasun sailaren ordezkariaren iritziz, sindikatuen ordezkariek mahai sektorialean parte hartzea "funtsezkoa" da, haien erabakiek "milaka langileri zuzenean eragiten dietelako". Sindikatuek, ordea, negoziatzeko borondaterik eza leporatu diote, eta azken bileraren ostean, Osasun Sailak egonkortu beharreko plazen kopuruari buruzko informazioa besterik ez zuela eman kritikatu zuten.
Sailburuak martxan dauden LPEen epeak ere gogorarazi ditu. "Egonkortze-tasa alde batera utzita, garrantzitsuena 2018-2019 LPE gauzatzea da". Bertan, 1610 lanpostu eskaini dira lehen fasean (azterketak ekainean eta uztailean izango dira) eta 1925 bigarrenean (izen-ematea ekainaren 2ra arte dago irekita).
"Bi urtean, 7258 lanpostu Osakidetzako langile kopurua handitzeko", amaitu du Sagarduik.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.