Siemens Energyk irailean aurkeztuko du Siemens Gamesa beraganatzeko eskaintza publikoa
Siemens Energyk jakinarazi du irailean aurkeztuko duela Siemens Gamesa osorik bereganatzeko eskaintza publikoa eta azaroan egingo dutela konpainia filiala burtsatik kanpo uzteko akziodunen batzar nagusia.
Siemens Energyk gaur azaldu ditu bere asmoak eta Siemens Gamesa berenganatzeko eskaintza publikoa gauzatzeko egutegia aurkeztu du. Aurrez, baina, Balore Merkatuaren Batzorde Nazionalaren oniritzia jaso beharko du.
Siemens Energyk maiatzaren 21ean iragarri zuen Siemens Gamesa bereganatzeko asmoa eta orain hilabeteko epea dauka prozesua abiatzeko eskaria egiteko eta Balore Merkatuaren Batzorde Nazionalaren baimena jasotzeko.
Hurrengo urratsa irailean emango dute eta Siemens Gamesak 15-70 eguneko epea izango luke eskaintza onartzen duen ala ez erabakitzeko.
Aurreikusitako egutegiaren arabera, urrian jakinaraziko lukete emaitza eta azaroan deituko lukete Siemens Gamesa burtsatik kanpo uzteko akziodunen batzar nagusia.
Siemens Energyk uste du prozesu guztia 2022ko bukaeran gauzatuta egongo dela.
Zuzendaritza postuak % 30 murriztuko dituzte
Bestalde, Siemens Energyk enpresa berregituratzeko asmoa iragarri du, besteak beste, zuzendaritza postuak % 30 murriztuta eta hierarkiak gutxituta. Halaber, gasaren eta elektrizitatearen negozioa hiru arlotan egituratuko du datorren urritik aurrera.
Siemens Energyren egitura berriak hiru jarduera eremu aurreikusten ditu gasaren eta elektrizitatearen esparruan: gas zerbitzuak, zentral elektrikoetako turbinen eta zerbitzuen negozio tradizionala biltzen duena; sare teknologiak, elektrizitatearen transmisioa eta biltegiratzea barne hartzen duena, eta industriaren transformazio arloa, uraren elektrolisiaren eta beste aplikazio industrial batzuen negozioa bilduko duena.
Berregituraketa horren bidez, Siemens Energyk enpresaren egiturari konplexutasuna kendu nahi dio, hierarkia sinpleagoak sortu, erabakiak hartzeko prozesuak laburtu eta langileen erantzukizun indibiduala indartu.
Siemens Gamesak datozen urteetarako estrategiaren berri eman du inbertsoreekin eta analistekin Alemanian gaur egin duen bilera batean. Christian Bruch konpainia alemaniarraren kontseilari ordezkariak azaldu duenez, "azkarragoak eta malguagoak" izan nahi dute eta "bezeroengana bideratuagoak" egon.
Siemens Energyk bere gastuak 350 milioi euro murriztu ditu lehen seihilekoan.
Konpainia enpresa-batzordearekin harremanetan jartzea espero du Urkulluk
Iñigo Urkullu lehendakariak "kezka" onartu du, Euskadin errotua dagoen enpresa bakoitzarengatik, eta batez ere, erosteko eskaintza jaso duten horiengatik, Siemens Gamesaren kasua.
"Eusko Jaurlaritzan, Siemens Gamesarekin harremanetan gaude egunotan, eta Siemens Energyrekin ere hitz egitea espero dut", esan du. Zentzu horretan, konpainia enpresa-batzordearekin kontaktuan jartzea nahi du agintariak.
"Siemens Energyko edo Siemens Gamesako ordezkariek publikoki esan dutenaz haratago", elkarrizketen inguruko xehetasun gehiagorik emango ez duela zehaztu ondoren, hitz egiten ari direla errepikatu du lehendakariak.
Zure interesekoa izan daiteke
Zubietako erraustegiko langileek osasun bermeak eskatu dituzte bederatzi langile intoxikatu ostean
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.