Bizkaiko adinekoen egoitzetako langileek hitzarmena berritzea eskatu dute laugarren greba egunean
Bizkaiko adinekoen egoitzetako langileek elkarretaratzeak egin dituzte astelehen honetan Bilboko txoko ezberdinetan, hitzarmenaren negoziazio-mahaia "desblokeatzea" eskatzeko. Proposamen "errealak eta atzerakoiak ez direnak" nahi dituzte, baita ratioak eta ordezkapenak hobetzea ere.
Hala, sektoreak bizi duen egoera salatu dute eta 5.000 langileri eragiten dien hitzarmen berria negoziatzeko eskaera egin dute; izan ere, aurrekoa 2020ko abenduan amaitu zen.
Sindikatuek protesta ezberdinak egin dituzte. ELAk manifestazio "zaratatsua" egin du Deustuko Ugasko plazako Gizarte Ekintzaren egoitzatik Bizkaiko Aldundira, patronalek hitzarmenaren negoziazioan duten "planteamendu atzerakoiaren" aurrean erakunde horri inplikazioa eskatzeko.
Sindikatuak nabarmendu duenez, laugarren greba egun horren jarraipena "oso zabala izan da, % 80 inguruko gehiegizko gutxieneko zerbitzuak ezarri diren arren". Era berean, "urte eta erdi baino gehiago" hitzarmenik gabe daramatela gogorarazi dute, eta "onartezinak diren lan-kargekin eta baldintza oso kaskarrekin" lanean ari direla narbarmendu dute.
LAB, bere aldetik, Bizkaiko hiriburuko Batzar Nagusien egoitzaren aurrean elkartu da, eta elkarretaratzea eta eserialdia egin ditu. Sindikatuak azaldu duenez, grebaren laugarren deialdi honetan "gutxieneko zerbitzuak jaitsi direlako" izan du grebak horrek oihartzun ona.
Gaineratu duenez, "borroka-ziklo berri baten aurrean" daude. Ildo horretan, aurreko sei hilabeteetan "ratioa parekatzeko eta hobetzeko beharra landu dela gogoratu du, eta "mobilizazioen eta greben intentsitatea eta indarra handitzeko" unea iritsi dela azpimarratu du. Hori dela eta, uda ostean sindikatuaren helburua "ratioen gatazka hau erdigunean jartzea" dela aipatu du.
UGT eta CCOO, berriz, Bizkaiko Foru Aldundiaren aurrean bildu dira. UGTk kritikatu duenez, aurreko hitzarmena amaitu zenetik urte eta erdi igaro den honetan, "10 bilera baino ez dira egin, eta patronalak ez du proposamenik aurkeztu negoziazio-mahaian kolektibo horren lan-baldintzak eguneratzeko".
Besteak beste soldatak Gizarte Urgazpenerako Foru Erakundeko langileekin parekatzeko eskatu dute bi sindikatuek; izan ere, itunpeko egoitzetan "zerbitzu bera egiten da Aldundiarentzat, baina soldataren erdiagatik".
Zure interesekoa izan daiteke
EAEko apartamentu turistikoetako gaualdiak % 23,3 igo dira uztailean, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete berarekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.