Lanuzteak berriro Bilboko metroan, gaur puntako orduetan
Bilboko metroko langileak lanuzteak ari dira egiten gaur, ostirala, puntako orduetan. Hain zuzen ere, ELA, CIM eta UGT sindikatuek deitu dituzte protestak.
Gaur 06:30etik 09:30era egin da lehen lanuztea eta 18:30etik 21:30era egingo da eguneko bigarren geldialdia. Asteazkenean bezala, makinistek ere egingo dituzte lanuzteak, Trenbideko Makinisten Espainiako Sindikatuak deituta; kasu horretan, 7:00etatik 9:00etara egin dute lehena eta 19:00etatik 21:00etara egingo dute bigarrena.
Testuinguru horretan, Metro Bilbaok erabiltzaileei gomendatu die gaurko joan-etorriak planifika ditzatela; aholkua da metroaren web-orrian informatzea.
Gogora ekarri duenez, ELA, CIM eta UGT sindikatuek deitutako bigarren lanuzte eguna da, "presio-neurri gisa, hitzarmen kolektibo berriaren negoziazioaren barnean". Metro Bilbaok ziurtatu duenez, enpresak "zabalik" du negoziazio-mahaia, eta deitoratu ditu "zentralen aldetik izandako aldebakarreko jarrerak zerbitzuan eragin litzakeen afekzioak; izan ere, konpainiaren akordio-proposamenaren berri izan aurretik deitu zituzten lanuzteak sindikatuek".
Bilboko metroak, halaber, nabarmendu du enpresak eta sindikatuek ostegunean egin dutela bilera; horren helburua izan da lanuzteen deitzaileekin adostasun puntuak indartzea.
"Lanuzte arrakastatsua", ELAren arabera
ELA sindikatuak, grebaren deitzaileak, "arrakastatsutzat" jo du goizeko lanuztea, eta adierazi du "gutxieneko zerbitzuak gorabehera, jarraipena zabala" izan dela, eta erakundea "pozik" agertu da "langileen erantzunarekin".
Gaineratu dutenez, ordea, Metro Bilbaoko zuzendaritzak "ez du jarrera aldatu. Langileei erosahalmena bermatu gabe jarraitzen du, eta negoziazioak ez aurrera ez atzera segitzen dute, blokeatuta". Hori dela eta, arratsaldeko mobilizazioei eutsiko die.
Langileek beste lanuzte bat egingo dute gaur arratsaldean 18:30etik 21:30era, eta, datorren asteartean, uztailaren 5ean, elkarretaratzea egingo dute Bilboko Nafarroa kalean dagoen Metroko bulegoen aurrean, 11:00etan, hitzarmenaren defentsan; CIM eta UGT sindikatuekin batera deituta.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.