LAB: "Mercedesen gatazka zuzendaritzak sortutako arazo bat da, 261 milioiko dibidenduak banatu ditu"
Igor Arroyo LABeko koordinatzaile nagusiak salatu duenez, Gasteizko Mercedes lantegiko gatazka "zuzendaritzak sortutako arazo artifizial bat da", izan ere, etekin handiak dituen enpresa da. Hala azaldu du 261 milioi euroko dibidenduak banatu dituela aurten eta langileei bideratutako gastuak % 6 baino ez direla. Hori horrela, Arroyoren ustez, enpresak egindako proposamena —seigarren gauari muzin egitea eta KPIaren azpiko soldata igoera— "ez da nahikoa, enpresak ezin du justifikatu langileek eros ahalmena galtzea". Are gehiago, azpimarratu du lan baldintzetan atzera egitea "arduragabekeria" dela zuzendaritzaren partetik.
Bilera dute gaur Mercedeseko zuzendaritzak eta sindikatuek eta horren inguruan galdetu diote Arroyori Radio Euskadiko "Boulevard" saioan. Argitu duenez, LAB prest dago negoziatzeko eta "mobilizazioen egutegia berriro aztertzeko", betiere hiru gairen inguruan "aurrerapausoak" badaude. Honakoak aipatu ditu: soldatak KPIaren arabera igotzea, soldata eskala bikoitza kentzea (lehen bost urtean baldintza ezberdinak izaten dituzte langileek) eta seigarren gauari muzin egitea —horretan atzera egin du zuzendaritzak—. Dena dela, deitoratu duenez, "zoritxarrez", Mercedes ez dago "puntu horretan".
Erakundeen auzian duten paperaz, Garbiñe Aranbururekin batera LABeko koordinatzaile nagusi denak esan du "politika industriala falta" dela, eta salatu du erakunde publikoak "patronalaren alde" jarri direla, "jarrera neutro bat edo langileen alde agertu beharrean". "Oso kritikoak gara horrekin", gaineratu du.
Azkenik Raul Arzak (UGT Euskadi) egindako kritikei erantzunez, Arroyok honakoa kritikatu du: "UGT eta CCOO enpresaren makulu gisa aritzen dira. Zuzendaritzak norekin adostu nahi duen pentsatu beharko du".
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.