Euskadira etortzen diren turisten erradiografia
Hegoaldera bisitatzera datozen turisten % 60 inguru Estatuko beste autonomia erkidegoetatik datoz, logikoa denez, hori da egun batzuk oporretan pasatzeko gure parajeak aukeratzen dituzten bidaiarien jatorri nagusia. Beste datu bat, pandemiak ez du turismoaren jatorria aldatu Euskadin, bai, ordea, Nafarroan, turista atzerritarren proportzioa igo egin baita urtea hasi zenetik.
Hala ondoriozta daiteke EITB DATAk turismoaren sektorearen inguruan egin duen, eta gaur EITBk bere hedabide guztietan argitaratu duen, azken ikerketa begiratuta.
Baina begirada atzerritik datozen % 40 horretan jarrita, ikus dezakegu gehien gehienak Frantziatik etorritakoak direla, bai Euskadiren kasuan (% 21), baita Nafarroako kasuan ere (% 26). Hemendik aurrera, aldiz, bi datu bitxi ageri zaizkigu, batetik, AEB dela hirugarren postuan kokatzen den herrialdea. Bestetik, bigarren eta laugarren postuan Alemania eta Amerikako gainerako herrialdeak daudela.
Erresuma Batua, Euskadi eta Nafarroako zenbait interes-gunetan egon daitekeen pertzepzioa gorabehera, bosgarren herrialdea da atzerritik etorritako bisitarien zerrendan. Halere, turisten jatorri nagusia da Espainian (ezin dugu ahaztu turismo eskaintza handiena dutenak Balearrak, Kanariak eta Katalunia direla, hots, hondartzek erakarritako turismoa).
Hain zuzen ere, Estatuko turismoaren azterketa eginez gero, ikus daiteke gurean baino orekatuago dagoela, ia erdia egoiliarrek egindako joan-etorriek eraginda dago, eta beste erdia atzerritarrek. Erresuma Batua, Alemania, Frantzia, Amerikako gainerako herrialdeak eta Estatu Batuak dira jatorrizko herrialde nagusiak, eta modu beretsuan mantendu dira pandemia aurretik eta pandemiaren ostean.
OHARRA: datuok ateratzeko honako hauek aintzat hartu dira: turismo-jarduera hoteletan, apartamentu turistikoetan, landa-turismoko ostatuetan, aterpetxeetan eta kanpinetan (Nafarroan, urtarrileko eta apirileko kanpinen datuak estimatu dira). Iturria: EIN
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".