Denis Itxasok transferentzien inguruko negoziaketak ez dramatizatzeko eskatu du
Denis Itxaso Espainiako Gobernuak EAEn duen ordezkariak adierazi du ez dagoela "dramatizatu beharrik" eskuduntzak Euskadira lekualdatzeko negoziaketetan. Izan ere, esan duenez, Espainiako Gobernuak euskal autogobernuan sakontzeko "erabateko borondatea" dauka.
Itxaso hedabideen aurrean mintzatu da astearte honetan, Espainiako Gobernuak urteko lehen seihilabetean erkidegoan betetako konpromisoen balantzea egiteko.
Olatz Garamendi Gobernantza Publiko eta Autogobernu sailburuaren hitzez aritu da. Iragan ostiralean, "eszpetiko" agertu zen Pedro Sanchezen Gobernuak Gernikako Estatutua betetzeko borondate errealaren inguruan. Isabel Rodriguez Lurralde Politikako ministroarekin izandako bileraren ostean, eskualdatze prozesuaren "paralisiaz" kexatu zen.
Itxasok nabarmendu duenez, bada "euskal autogobernuan sakontzen jarraitzeko" borondate errealik. "Ez dago zalantzarik, jada transferitu diren 11 gaiek aditzera ematen dutenez", tartean, espetxeena eta Bizitzeko Gutxieneko Diru Sarrera.
Gai horietan "bideorria betetzen" ari direla baieztatu ostean, Gobernuko ordezkariak aitortu du zenbait gaietan "zailtasun tekniko eta juridikoak" daudela. Izan ere, Gernikako Estatutua "lehen belaunaldiko" testua da, eta onartu zutenean "kontzebituta ere ez zeuden" kontuak hartzen ditu barne.
Azaldu duenez, lekualdatzea erdiesteko negoziazioek ez dute "bi arerioren arteko" partidu baten antza izan behar; "akordio batera iritsi nahi duten bi kideren arteko lankidetza leial eta solidario baten emaitza" dira.
"Kontua ez da batak irabazi eta besteak galtzea", azpimarratu du Itxasok, eta gogora ekarri du ezin dela ahaztu badela "Vox bezalako ultraeskuineko alderdi bat, eremu honetan hartutako edozein erabaki atzera botatzeko prest dagoena". Hori dela eta, "oso garrantzitsua da lortutako akordioek erabateko segurtasun juridikoa izatea".
Gobernuko ordezkariak "denbora" eskatu du talde teknikoek lan egin dezaten, eta horregatik, azpimarratu du ez dagoela "dramatizatzeko" beharrik borondate politikorik ez dela ikusarazita, "egon badagoelako", eta Gobernua hala "erakusten" ari delako.
Ezker abertzaleari eskaria
Bestalde, Espainiako Gobernuko ordezkaria Euskadiko herri eta hirietako datozen jaietan indarkeriaren gorespen ekintzak gertatzeko aukeraz aritu da, eta ezker abertzaleari eskatu dio espazio publikoetan terrorismoaren biktimak "ez mintzeko".
"Garai berrietan, zauriak sendatzeak, etorkizunari begiratzeak eta bizikidetza lantzeak terrorismoaren biktimekiko errespetua ere dakarte haiekin", gaineratu du.
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".