Deskontua indarrean da Hego Euskal Herriko garraio publikoan
Euskal Autonomia Erkidegoan (EAE) garraio publikoan % 50eko deskontua eta Nafarroan % 30ekoa gaur, ostegunarekin, sartu da indarrean. Espainiako Gobernuak aplikatutako murrizketa handitzea ebatzi zuten EAEko erakundeek; Foru Gobernuak, aldiz, bere horretan mantentzea erabaki zuen, eta, hala, beherapena txikiagoa izango da.
"Familien egoera ekonomikoa arintzeko" eta herritarrek garraio publikoa gehiago erabil dezaten jarri da martxan neurri berria, Iñaki Arriola Eusko Jaurlaritzako Lurralde Plangintza, Etxebizitza eta Garraioetako sailburuaren esanetan. Laguntza abenduaren 31ra arte luzatuko da. Sailburuak atzo aurkeztu zituen deskontuok Amarako Euskotrenen geltokian, Donostian. Agerraldian nabarmendu zuenez, lortutakoa oso garrantzitsua da Euskadirentzat, gai izan baita "laguntza ehuneko handienarekin emateko". Hala, pozik agertu zen administrazio guztiek hasieratik izan duten jarreragatik.
Bizkaian, Bilboko Metroko, Bilbobuseko eta Artxandako Funikularreko abonuek % 50 gutxiago balioko dute. Hemen kontsulta ditzakezue garraiobide publiko bakoitzaren bidaia txartelen prezio berriak.
Gipuzkoan, dBus, Lurraldebus eta Euskotrenen abonuek erdia balioko dute ere. Esteka honetan ikus daitezke garraiobide publikoen tarifak.
Gasteizen, berriz, eguneko autobusaren, gautxoriaren eta tranbiaren abonuek ere erdia kostatuko dute. Gainera, Tuvisa enpresak azaldu duenez, 12 urtetik beherako pertsonek doan bidaiatzeko aukera izango dute Gasteizko hiri-autobusetan, nahiz eta oraindik ez duten zehaztu indarrean noiz sartuko den. Informazio guztia hemen duzue.
Nafarroan, Iruñerriko Hiri Garraioan ere aplikatuko da deskontua. Hala, laguntzok % 30eko beherapena ekarriko dute TUCen egungo tarifen gainean, txanpon-tituluei eta aldi baterako tituluei dagokienez. Zerbitzuak zehaztu duenez, neurriak ez ditu barne hartuko abonuekin edo bidaia anitzeko txartelekin ordaintzen ez diren txartel edo tiket arruntak.
Amaitzeko, Euskadin eta Nafarroan aldiriko hainbat linea dituen Renfeko erabiltzaileek ere laguntzak izango dituzte. Doakoa izateko, baina, gutxienez 16 bidaia egin beharko dira urtea amaitu arte, eta aurretik 10 euroko fidantza ordaindu beharko du erabiltzaileak aldirikoetan, eta 20 eurokoa distantzia ertainetan. 16 bidaia horiek egindakoan, dirua itzuliko du Renfek.
Horretarako, web orriaren edo Renferen aplikazioaren bidez eskatu behar da fidantza bueltan. Erabiliko dugun nukleoa aukeratu eta "ohiko bidaiarientzako doako abonua" aukera hautatu. Hemen dituzue azalpen guztiak.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.