Oinarrizko prezioak urtarrilera arte mugatzea eskatu diete kate handiei Yolanda Diazek eta Alberto Garzonek
Yolanda Diaz Espainiako Gobernuko presidenteorde eta Lan ministroak eta Alberto Garzon espainiar Kontsumo ministroak eskatu diete "marjina" duten enpresa banatzaile handiei erosketa-saskiko produktuen prezioa muga dezatela. Neurria Gabonak amaituta indargabetuko litzateke, eta horren asmoa da familiak babestea, kontuan izanik inflazioaren eragina.
Hala azaldu dute ostegun honetan, prentsaurrekoan, Carrefourreko zuzendariekin bilera egin ostean. Carrefourrek asteazkenean iragarri zuen 30 produktuko saskia eskainiko diela bezeroei, 30 euroko prezio finkoan. Bileran, proposamen hori aztertu dute, bai eta Diazek aste honetan egindakoa; kateak eszeptizismoa agertu du, horren harira.
"Gure ikuspuntua da beharrezkoa dela banatzaile handiek akordioa egitea, marjinen bidez elkarren artean laguntzeko gaitasuna izateko akordioa egin dezatela. Familiek arrazoizko eta kalitatezko erosketa egin ahal izatea da xedea", azaldu du.
Astelehenean, banaketako patronalekin eta kontsumitzaileen erakundeekin egingo dute bilera, kontuan izanik "beharrezkoa" dela "arazo nagusiari heltzea, alegia, inflazioari eta familien bizitzan duen eraginari; bereziki, erosketa-saskian duen eraginari heldu behar zaio", azpimarratu du.
Espainiako presidenteordearen iritziz, "Gobernuko kide guztiak" daude tartean. Hori bai, ez dago aurreikusita bilerara Industria, Merkataritza eta Turismoko Ministerioko edo Nekazaritza, Arrantza eta Elikadura Ministerioko taldeetako kiderik joatea. Luis Planas Nekazaritza, Arrantza eta Elikadura ministroak, berez, proposamena kritikatu du.
"Banatzaile handiei eskatu egiten diegu ahalegina, marjinak dituztelako", zehaztu du Espainiako Gobernuko Lan ministroak; hau da, proposamena ez die zuzendu ekoizleei ez eta merkataritza txikiari ere.
Banaketa-kate handiek ezezkoa emanez gero, galdetu diote Diazi aukerarik dagoen, beste sektore batzuetan egin dutenez, elikagaien prezioak mugatzeko; horren ildotik, Diazek adierazi du "enpresa handiak jakinaren gainean" daudela, arazo handia baitago, "eta ziur aski laguntza emango dute, herrialderako horren berezia den garai honetan".
"Kalitatezko eta arrazoizko erosketa" bermatzea
Diazen eta Garzonen asmoa da ziurtatzea familiek "kalitatezko eta arrazoizko erosketa" bermatzea. Neurria hilabete honetatik legoke indarrean, eskolarako bueltarekin batera, eta Gabonak amaituta indargabetuko lukete. Astero aldatuko litzateke, eta hainbat produktu izango lituzke tartean.
Hala, Diazek esan du saskian egongo liratekeela produktu freskoak, hau da, haragia, arraina, arrautzak, frutak eta barazkiak; eta bigarren saski bat ere egongo litzateke, pertsona zeliakoengan pentsatuta.
Garzonek esan du helburu nagusia dela familien erosteko ahalmena babestea; izan ere, inflazioak "mehatxatu" egiten du erosteko ahalmen hori. Proposamena da "enpresa banatzaile handientzat, ahalegin gehigarria egin behar baitute".
Ministroaren iritziz, Carrefourren proposamenak erakusten du "posible dela egitea", eta aurreratu egin du gida bat eskatu diola Elikadura Segurtasun Agentziari; gida horren asmoa litzateke banatzaileei argibideak ematea, oinarrizko saskiaren gainean.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.