Parke eolikoa enpresa publiko batek kudeatu dezala eskatu du Podemos-IUk, eta nuklearren alde agertu da PP-C's
Eusko Jaurlaritza osatzen duten alderdiek begi onez ikusten dute Statkraft enpresa eoliko norvegiarrak bi parke eoliko eraikitzeko aurkeztutako proiektua, energia berriztagarriei bultzada emateko. Jose Antonio Suso EAJko legebiltzarkideak Radio Euskadiko 'Parlamento en las ondas' saioan nabarmendu duenez, "Euskadin inbertitzera etorri nahi duen enpresa norvegiarra da, Euskadin energia beharra dagoela ikusi duena, energia gerrako arma bilakatzen ari den testuinguru batean". PSEtik, Ekain Ricok "berri ontzat" hartu du proposamena, eta gogorarazi du "Mariano Rajoyren lehengusuak klima aldaketa hainbesterako ez zela" esan ziola, eta "eguzkiaren gaineko zerga" ezarri zuela horrek.
Bestalde, EH Bilduko Mikel Oterok proiektuaren inguruko nondin norako gehiago ezagutzearen alde egin du, eta ukatu egin du bere taldeak "180 graduko bira" eman izana energiari dagokionez. Haren ustez, "norvegiar enpresa publikoak berritasun bat azaldu du: modelo publiko, pribatu eta komunitario bat esploratzea". Elkarrekin Podemos-IUk ere egin du energia berriztagarrien alde, baina energia enpresa publiko baten bitartez egin dadila eskatu du. Isa Gonzalez legebiltzarkideak azpimarratu du parke eolikoak instalatu daitezkeela, "betiere ingurumenaren babeserako legeak errespetatzen badira eta, gainera, herritarrek instalazio horiek nahi dituztela erabakitzen badute".
PP-Ciudadanos koaliziotik, Jose Manuel Gilek berriztagarrien alde egin du, baina energia nuklearra baztertu gabe. Haren aburuz, jende askok ez du energia hori gustuko "ezagutza eza eta informazio nahasgarriak direla eta". Nabarmendu duenez, "Europako Batzordeak berde gisa izendatu du, energia iraunkorra delako, eta CO2 isuririk gabekoa". Amaia Martinez VOX taldeko legebiltzarkideak, berriz, "Espainiako auto hornikuntza energetikora" bideratutako plan bat proposatu du, "energia iturri berriztagarriak lehenetsiz eta gasa edo energia nuklearra bezalako baliabide propioekin nazio mailako subiranotasun energetikoa lortzeko".
Zure interesekoa izan daiteke
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.