Euskal pentsiodunek astelehenean mobilizatzera deitu dute bankuen eta erakundeen aurrean
Euskal pentsiodunek kontzentrazioak eta manifestazioak iragarri dituzte astelehenerako, 12:00etan, EAEko hiru hiriburuetako bankuen eta erakundeen aurrean, eta beste zenbait herrietan. Berriro ere 1.080 euroko gutxieneko pentsioa aldarrikatuko dute, eta "banku abusuen" aurka egingo dute.
Mobilizazio horietan Euskal Herriko Pentsiodunen Mugimenduaren izenean aurkeztu ziren mozioei Euskadiko eta Nafarroako 121 udalek eman dieten sostengu instituzionala biltzen duen txostena aurkeztuko dute.
Sukurtsal eta kutxazain automatikoen itxierei buruzko balantze zehatza ere emango dute. Haien arabera, itxiera horiek "eragin handiagoa dute pentsiodunen eta adinekoen artean".
Balantze horrez gain, bankuko zuzendariei eta erakundeetako ordezkariei zuzendutako dokumentu bat emango diete, eta aurrez aurreko harremanak edo elkarrizketak eskatuko zaizkie bankuarekin izaten ari diren "funtsezko eta gizarte-izaerako arazo larriak" aztertzeko eta arazo horiek konpontzen saiatzeko.
Gasteizen manifestazioa Plaza Berritik aterako da, eta pentsiodunek txostena Udaletxean eta Batzar Nagusietan aurkeztuko dute. Bilbon manifestazioa Udaletxetik abiatuko da, lehenbizi Eudelen aurrean geldituko da eta gero Kale Nagusian zehar ibiliko da eta Plaza Zirkularrean amaituko da. Donostian, bestalde, Alderdi Ederretik irtengo da, eta Kutxabank eta Foru Aldundiaren aurrean geldituko da.
Zure interesekoa izan daiteke
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.